HDMI

З Вікіпедыі, свабоднай энцыклапедыі
HDMI-раздым

High-Definition Multimedia Interface (HDMI) — інтэрфейс для мультымедыя высокай выразнасці, які дазваляе перадаваць лічбавыя відэаданыя высокага разрознення і шматканальны лічбавы аўдыёсігнал з абаронай ад капіравання (англ.: High Bandwidth Digital Copy Protection, HDCP).

Раздым HDMI забяспечвае лічбавае DVI-злучэнне некалькіх прылад з дапамогай адпаведных кабеляў. Асноўнае адрозненне паміж HDMI і DVI складаецца ў тым, што раздым HDMI меншы памерам, а таксама падтрымлівае перадачу шматканальных лічбавых аўдыёсігналаў.

З’яўляецца заменай аналагавых стандартаў далучэння, такіх як SCART альбо RCA.

Заснавальнікамі HDMI з’яўляюцца кампаніі Hitachi, Matsushita Electric Industrial (вядомая як Panasonic) (Panasonic/National/Technics/Quasar), Philips, Silicon Image, Sony, Thomson (RCA)[1].

Версіі[правіць | правіць зыходнік]

Версія Дата выпуску Апісанне
1.0 Снежань 2002
  • Максімальная прапускная здольнасць інтэрфейса па аднаму проваду 4,9 Гбіт/с. Падтрымка відэа да 165 МПікс/сек (1080p @ 60 Гц ці UXGA) і 8-канальнага гуку (192 кГц/24 біт).
1.1 Травень 2004
  • Дадана падтрымка абароны гуку, якая патрабуецца для прайгравання DVD-Audio.
1.2 Жнівень 2005
  • Дадана падтрымка перадачы аднабітавага аўдыёсігналу, такога, як Super Audio CD DSD;
  • Распрацаваны HDMI-раздым тыпу A з поўнай падтрымкай усіх фарматаў для PC-крыніц і дысплеяў;
  • Дадана магчымасць для PC-крыніц выкарыстоўваць родную колерную прастору RGB з захаваннем падтрымкі YCbCr CE;
  • Устаноўлена патрабаванне для дысплеяў з HDMI 1.2 і навейшых версій падтрымліваць будучыя нізкавольтныя (то бок, звязаныя па пераменнаму току) крыніцы, напрыклад, заснаваныя на базе тэхналогіі ўводу/вываду PCI Express.
1.2a Снежань 2005
  • Дадана поўная падтрымка ўсіх асаблівасцяў і набораў каманд пратаколу дыстанцыйнага кіравання CEC (Consumer Electronic Control).
1.3 22 чэрвеня 2006
  • Узнята частата сінхранізацыі з 165 да 340 МГц, што дазваляе павялічыць прапускную здольнасць інтэрфейсу па аднаму проваду з 4,95 Гбіт/с да 10,2 Гбіт/с;
  • Дадана падтрымка «глыбокага колеру» (deep color, 30-, 36-, 48-бітный колер, 10, 12 ці 16 біт на кожны кампанент RGB) у высокіх разрозненнях, замест падтрымкі толькі 24-бітнага колеру ў папярэдняй версіі;
  • Падтрымка стандарту колераперадачы xvYCC;
  • Рэалізавана аўтаматычная сінхранізацыя відэа- і аўдыёсігналу;
  • Дадана падтрымка новых фарматаў лічбавага гуку Dolby HD і DTS-HD;
  • Распрацаваны новы раздым mini-HDMI (Type C) для партатыўных прылад — такіх, як фота- відэакамеры і інш.;
  • 1.3b Кіраванне бытавой электронікай.
1.4 22 траўня 2009
  • Дадана падтрымка разрознення 4K х 2К (3840×2160 пры 24/25/30 Гц і 4096×2160 пры 24 Гц);
  • Рэалізавана магчымасць стварэння Fast Ethernet-злучэння (100 Мбіт/с) (HDMI Ethernet Channel, HEC);
  • Рэалізавана тэхналогія рэверсіўнага гукавага каналу (ARC);
  • Распрацаваны новы інтэрфейсны раздым для мініятурных прылад — micro-HDMI (Type D) .
  • Падтрымка 3D-выявы.
1.4a 4 сакавіка 2010
  • Палепшана падтрымка 3D-выявы

Новыя абавязковыя рэжымы Side-by-Side і Top-and-Bottom для вяшчальнага кантэнту, у дадатак да рэжымаў, якія маюцца ў спецыфікацыі 1.4. З улікам гэтых двух абавязковых фарматаў, спецыфікацыя HDMI версіі 1.4a забяспечвае ўзровень сумяшчальнасці прылад, прызначаных для дастаўкі 3D-кантэнта праз злучэнне HDMI. Абавязковыя 3D фарматы:

  • Для фільмаў (Blu-ray)
    • Frame Packing
      • 1080p @ 23.98/24 Hz
  • Для гульняў
    • Frame Packing
      • 720p @ 50 or 59.94/60 Hz
  • Для тэлебачання
    • Side-by-Side Horizontal
      • 1080i @ 50 or 59.94/60 Hz
    • Top-and-Bottom
      • 720p @ 50 or 59.94/60 Hz
      • 1080p @ 23.97/24 Hz

Выкарыстанне 3D-фарматаў: Дысплеі — павінны падтрымліваць усе абавязковыя фарматы.
Камутатары, хабы, і г. д. — павінны мець магчымасць транспартаваць усе абавязковыя фарматы.
Крыніцы (Blu-ray плэеры, гульнявыя прыстаўкі, TV-tuner'ы) — павінны падтрымліваць хоць адзін абавязковы фармат.

1.4b 11 кастрычніка 2011 Адной з новых функцый з’яўляецца тое, што ён дадае падтрымку відэа 1080p на 120 Гц.
2.0 Першая палова 2013 Чакаецца, што ў HDMI 2.0 будзе павялічана максімальная дыферэнцыяльная перадача сігналаў з мінімізацыяй перападаў узроўняў (TMDS) на прапускную здольнасць канала ад 3,4 Гбіт/с да 6 Гбіт/с, які дазволіць павялічыць агульную прапускную здольнасць TMDS да 18 Гбіт/с. Гэта дазволіць HDMI 2.0 падтрымліваць разрозненне 4K з хуткасцю 60 кадраў за секунду (FPS). Іншыя асаблівасці, якія, як чакаецца, для HDMI 2.0 будуць уключаць падтрымку 4:2:0 (колерная субдыскрэдытацыя), падтрымку 25 кадраў за секунду 3D фарматаў, паляпшэнне 3D-магчымасцяў, падтрымка больш чым 8 каналаў аўдыё, падтрымку HE-AAC і DRA аўдыё стандартаў і іншыя дадатковыя функцыі.

Характарыстыкі[правіць | правіць зыходнік]

  • HDMI мае прапускную здольнасць у межах ад 4,9 да 10,2 Гбіт/с[2].
  • Даўжыня стандартнага кабелю можа дасягаць 10 метраў[3], таксама магчыма павелічэнне даўжыні да 20-35 метраў і болей з ужываннем як знешніх узмацняльнікаў-паўторнікаў, так і ўмантаваных адразу ў кабель. Некаторыя вытворцы ўсталёўваюць ферытавыя кольцы ў пачатку і на канцы кабелю для аховы ад памех. Асаблівую ўвагу варта звярнуць на тое, што ўзмацняльнікі (рэпітары, эквалайзеры) варта ставіць не на выхадзе крыніцы сігналу, а менавіта на ўваходзе ў панэлі ці тэлевізары. Для павелічэння адлегласці перадачы таксама выкарыстоўваюцца так званыя відэасэндары.
  • Падтрымлівае пратаколы кіравання CEC і еўрапейскі AV.link.

Структура кабелю[правіць | правіць зыходнік]

HDMI-кабель складаецца з наступных частак:

  1. Вонкавая абалонка.
  2. экран з дроту з дадатковай меднай неізаляванай жылай для пайкі.
  3. Экран з алюмініевай фальгі.
  4. Поліпрапіленавая абалонка.
  5. Экранаваныя вітыя пары пятай катэгорыі з хвалявым супраціўленнем 100 Ом для сігналу сінхранізацыі, і сігналаў даных. Экран кожнай вітай пары мае вонкавую ізаляцыю і дрот для пайкі.
  6. Неэкранаваная вітая пара для сігналаў SDA SCL.
  7. Асобныя правады для сілкавання і кіруючых сігналаў.

Адрозненні паміж DisplayPort і HDMI[правіць | правіць зыходнік]

  • DisplayPort вольны ад якіх-небудзь выплат, у той час як вытворцы прылад з HDMI аплачваюць мінімум 4 цэнты за кожную прыладу (15 цэнтаў, калі не ўказаны лагатып HDMI на прадукце і ў рэкламных матэрыялах)[4].

Гл. таксама[правіць | правіць зыходнік]

Зноскі

  1. "HDMI Adopters". HDMI.org. Архівавана з арыгінала 1 жніўня 2012. Праверана 2011-10-29. {{cite news}}: Невядомы параметр |deadurl= ігнараваны (прапануецца |url-status=) (даведка) Архіўная копія(недаступная спасылка). Архівавана з першакрыніцы 1 жніўня 2012. Праверана 9 жніўня 2012.Архіўная копія(недаступная спасылка). Архівавана з першакрыніцы 1 жніўня 2012. Праверана 9 жніўня 2012.
  2. "HDMI Specification 1.3a Document Revision History" (PDF). HDMI Licensing, LLC. 2006-11-10. Праверана 2009-11-18.
  3. Knowledge Base (англ.)(недаступная спасылка). HDMI.org. Архівавана з першакрыніцы 28 жніўня 2011. Праверана 22 верасня 2010.
  4. "Пагадненне аб ужыванні HDMI". HDMI.org. Архівавана з арыгінала 18 снежня 2008. Праверана 2010-02-07. {{cite news}}: Невядомы параметр |deadurl= ігнараваны (прапануецца |url-status=) (даведка) Архіўная копія(недаступная спасылка). Архівавана з першакрыніцы 18 снежня 2008. Праверана 31 студзеня 2013.Архіўная копія(недаступная спасылка). Архівавана з першакрыніцы 18 снежня 2008. Праверана 31 студзеня 2013.

Спасылкі[правіць | правіць зыходнік]

  • HDMI Licensing (англ.). — Афіцыйны сайт ліцэнзавальнай арганізацыі.