I’m Happy Just to Dance with You
| I’m Happy Just To Dance with You | ||||
|---|---|---|---|---|
| Сінгл The Beatles з альбома A Hard Day's Night |
||||
| Выпушчаны | 20 жніўня 1964 (ЗША) | |||
| Мова | англійская[1] | |||
| Фармат | 7” | |||
| Запісаны | 1 сакавіка 1964, «Студыя Эбі-Роўд» | |||
| Жанр | рок-н-рол | |||
| Кампазітар | Ленан/Мак-Картні | |||
| Працягласць | 1 хв. 58 с. | |||
| Лэйбл |
Capitol Records  ЗШАParlophone/EMI  Вялікабрытанія |
|||
| Прадзюсар | Джордж Марцін | |||
| Аўтар песні | Джон Ленан[2] і Пол Мак-Картні[2] | |||
|
|
||||
|
|
||||
| The Beatles, храналогія сінглаў | ||||
|
||||
«I’m Happy Just To Dance with You» — (з англ. — «Я шчаслівы проста танчыць з табой») — песня англійскага рок-гурта «The Beatles», напісаная Джонам Ленанам. Песня дасягнула пазіцыі #95 у хіт-парадзе «Billboard Hot 100» у 1964 годзе. Кампазіцыя і па сённяшні дзень застаецца адной з улюбёных песень радыёстанцый, якія транслююць старыя песні. Абяззбройвальна наіўнае выкананне вакалаў Харысанам як нельга лепш перадае настрой гэтай кампазіцыі. Як звычайна ў ранніх «The Beatles», слабы тэкст цалкам схаваны за камерцыйным фасадам аранжыроўкі[3].
Кампазіцыя
[правіць | правіць зыходнік]«I’m Happy Just To Dance With You» выконвае Джордж Харысан, хаця гэта таксама песня Ленана. Вакал Харысана банальны, крыху наіўны[4], выяўляе голас сарамлівага падлетка, які проста хоча сказаць дзяўчыне, што шчаслівы танчыць з ёй[4]. Ленан зрабіў геніяльны ход, калі даверыў гэтую песню Джорджу, ператварыўшы яе недахопы ў вартасці[4]. Песня была напісана адмыслова для Джорджа Харысана: на той момант у Джорджа не было ўласнага матэрыялу. Праз шмат гадоў Пол Мак-Картні назваў песню «шаблоннай», а Ленан прызнаўся, што «ніколі б не заспяваў яе сам»[5].
Запіс
[правіць | правіць зыходнік]«The Beatles» запісалі песню ў нядзелю. Упершыню бітлы працавалі на студыі Эбі-Роўд выхадным днём[5]. Таго ж дня гурт запісаў яшчэ дзве песні — Long Tall Sally і I Call Your Name[5]. Праца над запісам усіх трох кампазіцый заняла тры гадзіны[5]. «I’m Happy Just To Dance With You» записалі першай. Усяго былі зроблены чатыры дублі гэтай песні[5].
Гурт таксама запісаў іншую версію песні для радыёшоў BBC — From Us To You. Сесія гуказапісу пачалася 17 ліпеня 1964 года ў парыжскай студыі BBC у Лондане і была спачатку перададзена па радыё 3 жніўня ў тым жа годзе[6].
Склад
[правіць | правіць зыходнік]- Джордж Харысан — вядучы вакал
- Джон Ленан — бэк-вакал, рытм-гітара
- Пол Мак-Картні — бэк-вакал, бас-гітара
- Рынга Стар — барабаны
Крыніцы
[правіць | правіць зыходнік]- ↑ (unspecified title) Праверана 11 студзеня 2019.
- ↑ а б ISWC Network Праверана 13 красавіка 2023.
- ↑ Гісторыя стварэння песень для альбома «A Hard Day’s Night» Архіўная копія ад 23 снежня 2014 на Wayback Machine на сайце beatlesclub (руск.)
- ↑ а б в Рэцэнзія Дзмітрыя Скірука на альбом «A Hard Day’s Night» Архіўная копія ад 10 мая 2013 на Wayback Machine на сайце recensent.ru (руск.)
- ↑ а б в г д Факты пра песню «I’m Happy Just to Dance With You» Архіўная копія ад 19 жніўня 2009 на Wayback Machine на сайце music-facts.ru (руск.)
- ↑ Біблія The Beatles: I'm Happy Just To Dance With You(недаступная спасылка). Архівавана з першакрыніцы 4 красавіка 2012. Праверана 19 кастрычніка 2008.