II Магілёўскі губернскі з’езд Саветаў рабочых і салдацкіх дэпутатаў

З пляцоўкі Вікіпедыя
Перайсці да: рух, знайсці

II Магілёўскі губернскі з’езд Саветаў рабочых і салдацкіх дэпутатаў — з’езд, які адкрыўся 15 (28) снежня 1917 года у будынку гарадской управы ў Магілёве

Перадумовы[правіць | правіць зыходнік]

Савецкая ўлада ў Магілёўскай губерні ўсталёўвалася ў жорсткай барацьбе з контррэвалюцыяй. У Магілёўве размяшчалася Стаўка вярхоўнага галоўнакамандуючага на чале з М. М. Духоніным, вакол якога яб’ядналіся сілы рэакцыі. Тут былі ваенныя місіі Вялікабрытаніі, ЗША, Францыі. Стаўка стала цэнтрам антысавецкай змовы. 9 (22) лістапада 1917 года Савецкі ўрад адхіліў М. М. Духоніна ад пасады вярхоўнага галоўнакамандуючага і прызначыў на яе бальшавіка М. В. Крыленку. З Петраграда ў Магілёў быў накіраваны атрад матросаў Балтыйскага флоту, чырвонагвардзейцаў Петраградскага гарнізона і салдат Літоўскага палка, а таксама атрады рабочых-добраахвотнікаў і салдат з Полацка, Мінска, Гомеля і інш. гарадоў. 18 лістапада (1 снежня) 1917 года адбылося расшыранае пасяджэнне Магілёўскага Савета рабочых і салдацкіх дэпутатаў, якое пры падтрымцы рэвалюцыйных салдат і рабочых прызнала Савецкую ўладу. Быў перавыбраны выканкам Савета. Улада ў Магілёве і кантроль над Стаўкай перайшлі ў рукі ваенна-рэвалюцыйнага камітэта. Вечарам 19 лістапада (2 снежня) 1917 года ў горад прыбыў М. В. Крыленка са штабам новай Стаўкі, начальнікам якой быў прызначаны генерал М. Д. Бонч-Бруевіч. Новая Стаўка пачала працаваць 20 лістапада (3 снежня) 1917 года.

З’езд[правіць | правіць зыходнік]

15 (28) снежня 1917 года у будынку гарадской управы адкрыўся 2-і губернскі з’езд Саветаў рабочых і салдацкіх дэпутатаў. На ім абмяркоўваліся пытанні аб становішчы на месцах, аб бягучым моманце, аб арганізацыі Савецкай улады ў губерні і інш. З’езд выказаў поўную падтрымку Савецкаму ўраду, зацвердзіў тэзісы аб арганізацыі Савецкай улады у губерні, выбраў губернскае бюро Саветаў рабочых і салдацкіх дэпутатаў, якое 1 (14) студзеня 1917 года аб’ядналася з губернскім бюро Саветаў сялянскіх дэпутатаў, выбраным 22 снежня 1917 (4 студзеня 1918) на 3-м з’ездзе сялянскіх дэпутатаў губерні. Аб’яднанае бюро Саветаў рабочых, салдацкіх і сялянскіх дэпутатаў стала вышэйшым часовым органам улады ў Магілёўскай губерні.

Памяць[правіць | правіць зыходнік]

У 1957 годзе на будынку былой гарадской управы ўстаноўлена мемарыяльная дошка ў гонар II губернскага з’езда Саветаў рабочых і салдацкіх дэпутатаў.

Літаратура[правіць | правіць зыходнік]