In hoc signo vinces

Фрэска з выявай падзеі

In hoc signo vinces (бел.: Пад гэтым знакам пераможаш) — словы, якія былі напісаныя на крыжы, што ўбачыў у небе Канстанцін I Вялікі пад час паходу на Рым 28 кастрычніка 312 года перад бітвай з Максенцыям.

Ён загадаў адлюстраваць крыж на шчытах сваіх салдат і, нягледзячы на ​​перавагу суперніка ў колькасці, атрымаў перамогу. Пасля гэтыя словы былі вышытыя на яго сцягу, Канстанцін забараніў ганенні на хрысціян і перад смерцю прыняў хрысціянства.

Гэтая ж фраза ў скажоным царкоўна-славянска-беларускім перакладзе («Сім пераможма!») выкарыстоўваецца для дасягнення саркастычнага эфекта ў гутарцы, каб паказаць неадпаведнасць мэт і сродкаў іх дасягнення.

Дэвіз

Выраз атрымаў распаўсюд у мастацкай культуры і геральдыцы.

• Ірландскі клан О’Донэл(укр.) бел. (464)
• Бронзавыя фолісы(англ.) бел. візантыйскага імператара Канстанта II (641—668)
• Герб места Пльзень (1295) у Багеміі (Чэхія)
• Горад Біркіркара (1436) у Сярэдзіннай вобласці вострава Мальта
• Адваротны бок сцяга «Святога атрада»(грэч.) бел. (1821) на пачатку вайны за незалежнасць Грэцыі 1821—1829 гадоў
• Мадраскі хрысціянскі каледж(англ.) бел. (1837) у Чэнаі (штат Тамілнад, Індыя)
• Каледж святога крыжа(англ.) бел. (1843) у Вустэры (штат Масачусэтс, ЗША)
• Студэнцкае брацтва «Сігма Хі»(англ.) бел. (1855) у ЗША і Канадзе
• Тэхналагічны інстытут Мерыды(ісп.) бел. (1962) у штаце Юкатан (Мексіка)
• Эмблема 4-й матарызаванай гвардзейскай брыгады «Павукі»(харв.) бел. (1991—2008) у складзе Харвацкага войска
• На некаторых версіях пачкі амерыканскіх сігарэт «Pall Mall».

Спасылкі

• На Вікісховішчы ёсць медыяфайлы па тэме In hoc signo vinces