Java (мова праграмавання)

З пляцоўкі Вікіпедыя.
Перайсці да: рух, знайсці
Java
Клас мовы:

аб'ектна-арыентаваная

З'явілася ў:

пачатак 1990-х

Аўтар(ы):

Sun Microsystems

Тыпізацыя дадзеных:

строгая, статычная

Зведала ўплыў:

Objective-C, C++, Smalltalk

Паўплывала на:

C#, J#, VJ#

Java (Джа́ва) — гэта аб'ектна-арыентаваная мова праграмавання, распрацаваная карпарацыяй Sun Microsystems на пачатку 1990-ых гг. Праграмы, напісаныя на Java, звычайна кампілююцца ў байткод, які потым пры патрэбе пераўтвараецца ў машынны код падчас выканання. Таксама пад Java часам разумеюць праграмную платформу, для якой была напісана гэтая мова

Мова многае пераняла ад сваіх папярэднікаў C і C++, але вылучаецца прасцейшай рэалізацыяй аб'ектаў і меншай колькасцю механізмаў нізкага ўзроўню. JavaScript (скрыптавая мова) мае падобны сінтаксіс, але не мае дачынення да Java.

На цяперашні час Sun Microsystems пастаўляе GPL-рэалізацыю кампілятара і віртуальнай машыны Java.

Гісторыя[правіць | правіць зыходнік]

Java стала вынікам працы адмыслоўца з карпарацыі Sun Microsystems Джэймса Гослінга над праектам «Oak» (Дуб) у чэрвені 1991. Гослінг мэтай сваёй працы паставіў распрацоўку віртуальнай машыны і мовы праграмавання для яе, з сінтаксісам і прынцыпамі, падобнымі да C/C++. Першая версія мовы Java 1.0 з'явілася ў 1995 г. Галоўным прынцыпам гэтага праекту стаў лозунг «Write Once, Run Anywhere» (WORA), што ў перакладзе на беларускую мову гучыць як «Пісаць адзін раз, запускаць усюды», што абяцала гарантыю нармальнай работы аднаго і таго ж коду на любых падтрымліваемых платформах. Віртуальная машына забяспечвала даволі высокі ўзровень бяспекі (магчымасць абмежавання сеткавых, дыскавых аперацый і інш.), прычым яго можна было змяняць пры патрэбе. Праз некаторы час большасць папулярных вэб-браўзераў пачалі падтрымліваць бяспечнае выкананне аплетаў Java, убудаваных у старонкі сеціва. Пачынаючы з версіі «Java 2», Sun Microsystems выпускае некалькі розных пакункаў Java для розных платформаў. Напрыклад, версія J2EE прызначана для праграм з высокімі патрабаваннямі да апаратнага забеспячэння, а версія J2ME, наадварот, прызначана для мабільных платформ.

У лістападзе 2006 г. Sun выпусціла частку зыходнага кода Java пад адкрытай ліцэнзіяй GPL. 8 траўня 2007 г. Sun скончыла працэс адкрыцця ўсяго галоўнага кода Java, за выключэннем невялікай часткі кода, на якую Sun не мела аўтарскіх правоў. З дапамогай праекта IcedTea, які з дазволу Sun распрацоўвала кампанія Red Hat, у чэрвені 2008 г. Java стала поўнасцю адкрытай.

Апошняя версія Java — Java SE 7 была выпушчана 28 ліпеня 2011 г.

Асаблівасці[правіць | правіць зыходнік]

  1. Аб'ектна-арыентаваныя тэхналогіі праграмавання
  2. Магчымасць выканання аднаго выканальнага файла на розных аперацыйных сістэмах
  3. Падтрымка камп'ютарных сетак
  4. Бяспечнае выкананне праграм аддалена, з іншага камп'ютара
  5. Простасць выкарыстання, заснаваная на рэалізацыі толькі дзейсных метадаў аб'ектна-арыентаванага праграмавання
  6. Аўтаматычнае збіранне смецця

Спасылкі[правіць | правіць зыходнік]