Алена Дзмітрыеўна Бялова

Алена Дзмітрыеўна Бялова (Новікава)
Агульная інфармацыя
Пол	жанчына
Спецыялізацыя	фехтаванне
Нарадзілася	28 ліпеня 1947(1947-07-28) (76 гадоў) г. Савецкая Гавань, Хабараўскі край
Грамадзянства	СССР
Альма-матар	Мінскі дзяржаўны педагагічны інстытут імя А. М. Горкага (1971)
Трэнеры	Л. П. Бокун
Рост	176 см
Вага	69 кг
Узнагароды і медалі Алімпійскія гульні Золата Мехіка 1968 Індывідуальная рапіра Золата Мехіка 1968 Камандная рапіра Золата Мюнхен 1972 Камандная рапіра Золата Манрэаль 1976 Камандная рапіра Бронза Манрэаль 1976 Індывідуальная рапіра Серабро Масква 1980 Камандная рапіра Медаль П'ера дэ Кубертэна Дзяржаўныя ўзнагароды
Медыяфайлы на Вікісховішчы

Алена Дзмітрыеўна Бялова (у дзявоцтве — Новікава) (28 ліпеня 1947, г. Савецкая Гавань, Хабараўскі край) — знакамітая савецкая фехтавальшчыца на рапірах, 4-кратная алімпійская чэмпіёнка, шматразовая чэмпіёнка свету і СССР, адзіная алімпійская чэмпіёнка (сярод жанчын) ў індывідуальным выглядзе ў гісторыі савецкага і расійскага фехтавання. Кандыдат педагагічных навук (1979).

Заслужаны майстар спорту СССР (1968), заслужаны дзеяч фізічнай культуры Беларускай ССР (1979), заслужаны трэнер Беларускай ССР (1994)

Выступала за «Дынама» Мінск.

Біяграфія

Скончыла Мінскі педагагічны інстытут імя М. Горкага ў 1971. З 1979 выкладчык Мінскага педагагічнага інстытута.

Перад Алімпійскімі гульнямі ў Мехіка ў 1968 выйшла замуж за спартсмена Вячаслава Бялова і ўзяла яго прозвішча, пад якім выступала да заканчэння спартыўнай кар'еры ў 1980 годзе.

За ўклад у сусветны алімпійскі рух і высокія спартыўныя дасягненні ўзнагароджана трафеем да 100-годдзя МАК за алімпійскія ідэалы (1994), Срэбным ордэнам МАК (1997). Экс-рэкардсменка па колькасці заваяваных залатых алімпійскіх медалёў па фехтаванні на рапірах сярод жанчын, была ўключана ў Кнігу рэкордаў Гінэса (у 2008 годзе ў Пекіне Бялову абыйшла знакамітая італьянка Валянціна Вецалі, якая заваявала сваё 5-е золата). Узнагароджана ордэнам Дружбы народаў, двума ордэнамі «Знак Пашаны», ордэнам Айчыны III ступені.

Другі муж Алены — кампазітар Валерый Іваноў, які напісаў у яе гонар «Рамантычны вальс».

У цяперашні час Бялова — прафесар Беларускай акадэміі фізвыхавання і спорту. Ганаровая грамадзянка горада Мінска.

Гл. таксама

• Спіс шматразовых чэмпіёнаў Алімпійскіх гульняў

Спасылкі

• Спортивная биография Елены Беловой
• Награждение Елены Беловой медалью Пьера де Кубертена
• Почётные граждане Минска
• Алена Дзмітрыеўна Бялова — артыкул з Вялікай алімпійскай энцыклапедыі (М., 2006)
• Елена Новикова-Белова — алімпійская статыстыка на сайце Sports-Reference.com (англ.)
• Белова Елена Дмитриевна (руск.)