Lorna Shore
Lorna Shore | |
---|---|
Асноўная інфармацыя | |
Жанры | дэзкор, symphonic deathcore, металкор (ранняя творчасць) |
Гады | 2010 — сённяшні час |
Краіна | ЗША |
Адкуль | Уорэн, Нью-Джэрсі |
Мова песень | англійская |
Лэйблы | Density, Outerloop, Century Media |
Склад |
Adam De Micco, Austin Archey, Andrew O’Connor, Will Ramos, Michael Yager |
Былыя ўдзельнікі |
Tom Barber, Gary Herrera, Jeff Moskovciak, Scott Cooper, Aaron Brown, Connor Deffley, CJ McCreery |
Іншыя праекты |
Chelsea Grin, Signs of the Swarm, A Wake in Providence, Monument of a Memory |
lornashorestore.com | |
Медыяфайлы на Вікісховішчы |
«Lorna Shore» ― амерыканскі дэткор-гурт з акругі Уорэн, штат Нью-Джэрсі. Утвораны ў 2010 годзе, гурт на сённяшні дзень складаецца з сола-гітарыста Адама дэ Міка, бубнача Осціна Арчы, рытм-гітарыста Эндру О’Конара, басіста Майкла Ягера і вакаліста Уіла Рамаса. Яны выпусцілі чатыры EP, дэбютны альбом «Psalms» у чэрвені 2015 года і другі альбом «Flesh Coffin» у лютым 2017 года. Іх трэці альбом «Immortal» быў выпушчаны ў студзені 2020 года. Апошні EP «…And I Return to Nothingness» выйшаў 13 жніўня 2021 года.
Гісторыя[правіць | правіць зыходнік]
У 2010 годзе гурт выпусціў свой дэбютны EP «Triumph», за якім у 2012 годзе рушыў услед EP «Bone Kingdom». Трэці EP, «Maleficium», выйшаў у 2013 годзе, а за ім, у 2015 годзе, рушыў услед дэбютны студыйны альбом гурта, "Psalms, які быў спрадзюсаваны Уілам Патні з Fit for an Autopsy[1]. У наступным годзе гурт падпісаў кантракт з Outerloop Records і пачаў працу над сваім другім поўнафарматнікам. У лютым 2017 года выпушчаны альбом «Flesh Coffin»[2].
Вакаліст і заснавальнік гурта Том Барбер пакінуў калектыў у пачатку 2018 года і перайшоў у Chelsea Grin[3], а басіст і сузаснавальнік Гэры Херэра выйшаў у пачатку 2017 года, таму «Flesh Coffin» стаў апошнім рэлізам Lorna Shore, у якім узялі ўдзел першапачатковыя ўдзельнікі. У 2018 годзе гурт падпісаў кантракт з Century Media, і Сіджэй Мак-Крыры з Signs of the Swarm стаў новым вакалістам гурта, запісаўшы з ім пару сінглаў («This Is Hell» і «Darkest Spawn»), але быў звольнены ў 2019 годзе пасля абвінавачванняў у сексуальным гвалце[4][5]. У 2020 годзе выйшаў трэці лонгплей групы, «Immortal», які быў запісаны, калі Мак-Крыры яшчэ выконваў абавязкі франтмена[6][2].
Нягледзячы на няўдачу, выкліканую сітуацыяй з Мак-Крыры, Lorna Shore працягнулі турнэ па Еўропе ў падтрымку Immortal, наняўшы Уіла Рамаса (былога ўдзельніка Monument of a Memory і A Wake in Providence) як сэсійнага вакаліста[7].
11 чэрвеня 2021 года гурт вярнуўся з новай песняй пад назвай «To the Hellfire» і абвясціў Рамаса сваім новым пастаянным вакалістам. Яны таксама абвясцілі дэталі свайго новага EP «… And I Return To Nothingness». Гэта быў першы EP гурта пасля іх прарыўнага рэлізу 2013 Maleficium.
Песня «To the Hellfire» стала вельмі паспяховай для гурта, заняўшы першае месца ў метал-чарце iTunes у першы тыдзень пасля выхаду. Яна таксама была прызнана чытачамі часопіса Revolver «Найлепшай песняй 2021 года», а аўтар Элі Эніс пракаментаваў: «Дэбютная песня гурта з новым вакалістам Уілам Рамасам ― гэта, па праве, адна з самых ашаламляльных цяжкіх дэткор-песень за апошні час. У ёй мноства брэйкдаўнаў, якія прабіваюць да мозгу касцей, бласт-бітаў, віртуознае гітарнае сола і вакал Рамаса…»[8]. Гэтая песня абагнала «Immortal» і стала ў гурта песняй з найбольшай колькасцью праслухванняў на Spotify (больш за 4 мільёны). Часопіс Loudwire абраў яе найлепшай метал-песняй 2021 года[9].
«…And I Return To Nothingness» быў выпушчаны 13 жніўня 2021 года. EP стаў найлепшым хардкор/металкор/дэткор-рэлізам 2021 года па версіі сайта Metal Storm[10].
12 мая 2022 года выйшаў сінгл «Sun//Eater». Раней, той жа вясной, гурт ужо граў гэты трэк на гастролях[11]. Разам з выпускам сінгла гурт анансаваў выхад чацвёртага студыйнага альбома, які атрымаў назву «Pain Remains». Альбом выйдзе ў кастрычніку на лэйбле Century Media[12]. Запіс альбома быў завершаны ў снежні мінулага года. Прадзюсарам альбома выступіў Джош Шродэр[11].
Склад[правіць | правіць зыходнік]
Цяперашні склад[правіць | правіць зыходнік]
- Adam De Micco — сола-гітара (2010-ц.ч.)
- Andrew O’Connor — рытм-гітара (2019-ц.ч.)
- Austin Archey — ударныя (2012-ц.ч.)
- Will Ramos — вакал (2021-ц.ч.; на канцэртах з 2020)
- Michael Yager — бас-гітара (2021-ц.ч.)
Былыя ўдзельнікі[правіць | правіць зыходнік]
- Tom Barber — вакал (2010—2018)
- Gary Herrera — бас-гітара (2010—2017)
- Jeff Moskovciak — рытм-гітара (2010—2011)
- Scott Cooper — ударныя (2010—2011)
- Aaron Brown — сола-гітара (2010)
- Connor Deffley — рытм-гітара (2015—2019)
- CJ McCreery — вакал (2018—2019)
Дыскаграфія[правіць | правіць зыходнік]
Студыйныя альбомы[правіць | правіць зыходнік]
- Psalms (чэрвені 2015)
- Flesh Coffin (люты 2017)
- Immortal (студзень 2020)
- Pain Remains (2022)
EP[правіць | правіць зыходнік]
- Triumph (2010)
- Bone Kingdom (2012)
- Maleficum (2013)
- …And I Return To Nothingness (2021)
Зноскі
- ↑ Lorna Shore announce June 9, 2015 release date for debut full-length Psalms (англ.). highwiredaze.com (23 красавіка 2015). Архівавана з першакрыніцы 28 красавіка 2015. Праверана 14 сакавіка 2022.
- ↑ а б James Christopher Monger. Lorna Shore Biography, Songs, & Albums (англ.). AllMusic. Архівавана з першакрыніцы 18 жніўня 2018. Праверана 14 сакавіка 2022.
- ↑ NEWS: Vocalist Tom Barber confirms he has left Lorna Shore! (англ.). Dead Press! (27 красавіка 2018). Архівавана з першакрыніцы 28 красавіка 2018. Праверана 14 сакавіка 2022.
- ↑ Robert Pasbani. LORNA SHORE Abruptly Part Ways with Vocalist CJ McCreery (англ.). Metal Injection (23 снежня 2019). Архівавана з першакрыніцы 5 студзеня 2022. Праверана 14 сакавіка 2022.
- ↑ Lorna Shore Have Fired Vocalist CJ McCreery Following Abuse Allegations (англ.). MetalSucks (23 снежня 2019). Архівавана з першакрыніцы 5 студзеня 2022. Праверана 14 сакавіка 2022.
- ↑ Greg Kennelty. LORNA SHORE Will Release New Album With Ex-Vocalist CJ McCreery's Vocals; Band Will Continue With New Vocalist (англ.). Metal Injection (8 студзеня 2020). Архівавана з першакрыніцы 5 студзеня 2022. Праверана 14 сакавіка 2022.
- ↑ LORNA SHORE's New Vocalist Revealed (англ.). lambgoat.com. Архівавана з першакрыніцы 7 студзеня 2022. Праверана 14 сакавіка 2022.
- ↑ Fan Poll: 5 Best Songs of 2021 So Far (англ.). Revolver (1 ліпеня 2021). Архівавана з першакрыніцы 23 верасня 2021. Праверана 14 сакавіка 2022.
- ↑ Loudwire Staff. The 35 Best Metal Songs of 2021 (англ.). Loudwire (6 снежня 2021). Архівавана з першакрыніцы 26 сакавіка 2022. Праверана 14 сакавіка 2022.
- ↑ The Best Hardcore / Metalcore / Deathcore - Metal Storm Awards 2021 (англ.). Metal Storm. Праверана 14 сакавіка 2022.
- ↑ а б wookubus. Lorna Shore Premiere New Track "Sun//Eater" (англ.). Theprp.com (13 мая 2022). Праверана 13 мая 2022.
- ↑ Joe DiVita. Lorna Shore Unleash Monstrous New Song 'Sun//Eater' + Announce New Album (англ.). Loudwire (13 мая 2022). Праверана 13 мая 2022.