Master of Puppets

Master of Puppets
студыйны альбом Metallica
Дата выпуску	3 сакавіка 1986
Жанр	трэш-метал
Працягласць	54:52
Лэйбл	Elektra Records
Храналогія студыйных альбомаў
Ride the Lightning (1984) Master of Puppets …And Justice for All (1988)
Сінглы з Master of Puppets
«Master of Puppets» Выпушчаны: 2 ліпеня 1986

Master of Puppets (з англ. — «Лялькавод») — трэці студыйны альбом амерыканскага трэш-метал-гурта Metallica, выпушчаны 3 сакавіка 1986 года на лэйбле Elektra Records. Праца над пласцінкай праходзіла ў Капенгагене ў студыі Sweet Silence Studios пад кіраўніцтвам прадзюсара Флемінга Расмусена. Master of Puppets — апошні альбом гурта, у запісе якога браў удзел бас-гітарыст Кліф Бёртан, які трагічна загінуў падчас гастроляў у Швецыі. Лонгплэй дабраўся да 29-га месца ў чарце Billboard і стаў першым альбомам у жанры трэш-метал, які быў адзначаны «плацінавым» сертыфікатам. Агулам продажы альбома ў ЗША складаюць больш за 6 мільёнаў асобнікаў.

Master of Puppets быў высока ацэнены крытыкамі і ўключаецца ў многія рэйтынгі найлепшых запісаў усіх часоў. Шэраг публіцыстаў асабліва адзначаў такія кампаненты пласцінкі, як музычны драйв, віртуознасць выканання і глыбіня палітызаваных тэкстаў. Лонгплэй лічыцца краевугольнай працай гурта ў 1980-х і адным з самых уплывовых альбомаў хэві-метала. Крытыкі называюць яго выхад адной з прычын агульнага росту цікавасці публікі да гэтага напрамку. Шмат музыкантаў запісвалі кавер-версіі на песні з гэтага альбома, таксама былі выпушчаныя некалькі трыб’ютаў. У 2016 годзе запіс быў адзначаны як «культурна, гістарычна і эстэтычна значны» і ўнесены ў Нацыянальны рэестр Бібліятэкі Кангрэса ЗША.

Дызайн вокладкі быў распрацаваны гуртом сумесна з Пітэрам Меншам, ён адсылае да лейтматыву альбома — маніпулявання людзьмі. Падчас запісу пласцінкі гурт шмат эксперыментаваў і выкарыстоўваў досвед і напрацоўкі папярэдніх двух дыскаў, музыканты ўдасканальвалі і індывідуальнае майстэрства. Пазней гурт адмовіў ад агрэсіўнага прамоўшанага альбома, зрабіўшы стаўку на інтэнсіўнае шматмесячнае турнэ, у амерыканскай частцы якога выступала ў прыватнасці на разагрэве ў Озі Осбарна. У разгар гастроляў гурт быў вымушаны адмяніць еўрапейскую частку турнэ з-за гібелі Кліфа Бёртана. Музыканты вярнуліся ў Лос-Анджэлес і правялі спробы новага басіста, выбраўшы Джэйсана Ньюстэда. У 2006 годзе гурт неаднаразова выконваў альбом цалкам, што было прымеркавана да юбілею запісу.

Спіс трэкаў

Аўтарства ўсіх тэкстаў: Джэймс Хэтфілд. 

Side one
№	Назва	Музыка	Працягласць
1.	«Battery»	Джэймс Хэтфілд · Ларс Ульрых	5:13
2.	«Master of Puppets»	Хэтфілд · Ульрых · Кліф Бёртан · Кірк Хэмет	8:36
3.	«The Thing That Should Not Be»	Хэтфілд · Ульрых · Хэмет	6:37
4.	«Welcome Home (Sanitarium)»	Хэтфілд · Ульрых · Хэмет	6:28

Side two
№	Назва	Музыка	Працягласць
5.	«Disposable Heroes»	Хэтфілд · Ульрых · Хэмет	8:17
6.	«Leper Messiah»	Хэтфілд · Ульрых	5:40
7.	«Orion» (instrumental)	Хэтфілд · Ульрых · Бёртан	8:28
8.	«Damage, Inc.»	Хэтфілд · Ульрых · Бёртан · Хэмет	5:33
54:52

Bonus tracks (digital reissue)
№	Назва	Музыка	Працягласць
9.	«Battery» (Live)	Хэтфілд · Ульрых	4:53
10.	«The Thing That Should Not Be» (Live)	Хэтфілд · Ульрых · Хэмет	7:02
66:42