Necturus — род земнаводных сямейства пратэяў. Уключае 5 відаў.
Цела выцягнутае, хвост доўгі, вёслападобны, з плаўніковай складкай. Вонкавых шчэлепаў 3 пары. Даўжыня да 43 см, афарбоўка зменлівая, ад карычнева-чырвонай да шэрай з блакітна-чорнымі плямамі. На канечнасцях па 4 пальцы. Вочы прыкметныя.
Жыве ў Паўночнай Амерыцы. Насяляе чыстыя азёры з пясчаным дном і багатай расліннасцю. Кормяцца беспазваночнымі. Апладненне ўнутранае. Адкладвае некалькі дзесяткаў яец.