Noize MC

Noize MC
руск.: Иван Александрович Алексеев
Асноўная інфармацыя
Дата нараджэння	9 сакавіка 1985(1985-03-09) (41 год)
Месца нараджэння	Ярцава, Ярцаўскі раён, Смаленская вобласць, РСФСР, СССР
Краіна	Расія
Альма-матар	Расійскі дзяржаўны гуманітарны ўніверсітэт[d]
Музычная дзейнасць
Прафесіі	рэпер, спявак, аўтар песень, гітарыст, акцёр
Гады актыўнасці	з 1997
Інструменты	гітара, клавішныя музычныя інструменты[d], вакал і бас-гітара
Жанры	хіп-хоп, рок, рэп-рок, альтэрнатыўны хіп-хоп, электронная музыка, грандж, панк-рок, альтэрнатыўны рок, асазнаны хіп-хоп, электронік-рок, блюз, трэп, сучасны рытм-н-блюз
Псеўданімы	Noize MC
Лэйблы	Respect Production[d], Misteriya Zvuka[d] і Universal Music Russia[d]
Узнагароды	Steppenwolf Award[d]
Медыяфайлы на Вікісховішчы
noizemc.com (руск.)

Іва́н Алякса́ндравіч Аляксе́еў (нар. 9 сакавіка 1985, Ярцава, Смаленская вобласць), больш вядомы пад сцэнічным псеўданімам Noize МС — расійскі музыка, хіп-хоп выканаўца.

Псеўданім

Як сцвярджае сам музыкант, псеўданім ён абраў падчас выступаў на школьных дыскатэках, дзе танная апаратура заўсёды «фаніла» і «хрыпела», адсюль і паходзіць «MC Noize» (англ.: noise — шум). Пасля прыстаўка "MC" сышла ў канец, надаўшы псеўданіму індывідуальнасць.

Біяграфія

Дзяцінства, ранняя творчасць (1985–2002)

Іван Аляксандравіч Аляксееў нарадзіўся 9 сакавіка 1985 года ў горадзе Ярцава Смаленской вобласці. Маці Аляксеева па адукацыі хімік, а бацька — музыкант. У 1994 годзе бацькі разышліся. З 8—9 гадоў Іван пачаў пісаць першыя вершы, а ў 10 гадоў захапіўся музыкай. Зімой 1995—1996 гадоў паступіў у музычную школу па класу класічнай гітары. Праз год разам з маці ён пераехаў у горад Белгарад, дзе двойчы стаў лаўрэатам абласнога конкурсу выканаўцаў на класічнай гітары: у 1998 і 2000 гадах.

Дыскаграфія

Студыйныя альбомы

• The Greatest Hits Vol. 1 (2008)
• The Greatest Hits Vol. 2 (2010, перавыданне папярэдняга)
• Последний альбом (2010)
• Новый альбом (2012)
• Protivo Gunz (2013)
• Неразбериха (2013)
• Hard Reboot (2014)
• Hard Reboot 3.0 (2015, перавыданне папярэдняга)
• Царь горы (2016)
• Хипхопера: Орфей & Эвридика (2018)
• Выход в город (2021)
• Не все дома (2025)

Міні-альбомы

• No Comments (2018)
• Алхимия (2025)