Police in Paris
| Police in Paris | |
|---|---|
| Жанры | хард-тэхна[d] |
| Краіны | |
| Адкуль | Мінск |
| Лэйблы | Spinnin' Records[d] |
Police in Paris (бел.: Паліцыя ў Парыжы) — беларускі музычны гурт у жанры хард-тэхна. Гурт атрымаў вядомасць у Еўропе і ЗША, выступаў на найбуйнейшых сусветных фестывалях, уключаючы Tomorrowland, і супрацоўнічаў з такімі артыстамі, як Yellow Claw. Адзін з удзельнікаў дуэта з’яўляецца ўнукам Уладзіміра Мулявіна, заснавальніка ансамбля «Песняры».
Склад
[правіць | правіць зыходнік]У склад гурта ўваходзіць Улад Каўчук і Улад Кульбіцкі. Яны пазнаёміліся яшчэ ў дзяцінстве, бо іх бацькі сябравалі. З маленства захапляліся музыкай, а свае першыя трэкі пачалі ствараць яшчэ ў школьныя гады[1][2].
Кар’ера
[правіць | правіць зыходнік]Важным этапам у іх творчасці стаў восьмы клас школы, калі адзін з іх трэкаў прагучаў у сэце галандскага дыджэя Томаса Ньюсана перад аўдыторыяй у 4000 чалавек[1].
У 2021 годзе яны пачалі супрацоўнічаць з Yellow Claw, якія падпісалі іх на свой лэйбл Barong Family[1].
У 2022 годзе ўдзельнічалі ў музычным кэмпе на Балі, дзе працавалі разам з міжнароднымі артыстамі. У тым жа годзе выступалі на Tomorrowland, адным з найбуйнейшых сусветных фестываляў электроннай музыкі. Пазней падпісалі кантракт з адным з найбуйнейшых сусветных лэйблаў электроннай музыкі Spinnin' Records[1].
Выступалі на галоўнай сцэне Viva Braslav у 2018, 2019 і 2023 годзе[2].
У 2024 годзе іх музыка ўвайшла ў афіцыйны саўндтрэк фільма «Кепская дзяўчынка» з Ніколь Кідман і Антоніа Бандэрасам[1][3].
Стыль
[правіць | правіць зыходнік]Police in Paris актыўна эксперыментуюць з рознымі кірункамі электроннай музыкі, але іх асноўны стыль — хард-тэхна. Музыкі вядомыя сваім нестандартным прома, уключаючы выступ перад статкам кароў і канцэрты на закінутых заводах[1].
Сувязь з Уладзімірам Мулявіным
[правіць | правіць зыходнік]Адзін з удзельнікаў дуэта з’яўляецца родным унукам Уладзіміра Мулявіна, лідара ансамбля «Песняры». У 2025 годзе гурт выпусціў дэма-версію тэхна-рэмікса на песню «Касіў Ясь канюшыну», пераасэнсаваўшы элементы беларускай народнай музыкі ў сучасным электронным гучанні[1].
Крыніцы
[правіць | правіць зыходнік]- ↑ а б в г д е ё Маниту, Саша. Это внук Мулявина, и он звезда мирового техно. Познакомились с группой Police in Paris и сделали ремикс на «Песняров» (руск.). Onliner (27 студзеня 2025). Праверана 6 лютага 2025.
- ↑ а б Влад Ковчук (POLICE IN PARIS) - про веру в музыку, ребрендинг и судьбоносную поездку. (руск.). soundstream.media. Праверана 6 лютага 2025.
- ↑ У эратычным фільме з Ніколь Кідман прагучала музыка беларускага гурта . Наша Ніва (27 студзеня 2025). Праверана 6 лютага 2025.
| Фота, відэа і аўдыё | |
|---|---|
| Тэматычныя сайты |
