Preisner’s Music

З пляцоўкі Вікіпедыя
Jump to navigation Jump to search
Preisner’s Music
Вокладка альбома Збігнева Прайснера «Preisner’s Music» (1995)
Канцэртны альбом
Збігнева Прайснера
Дата выпуску 1995
Запісаны 15 чэрвеня 1995
Жанр акадэмічная музыка
Працягласць 71:19
Лэйбл Virgin France
Храналогія Збігнеў Прайснер
Élisa
(1995)
Preisner’s Music
(1995)
Feast of July
(1995)

«Preisner’s Music» (бел.: Музыка Прайснера) — першы канцэртны альбом польскага кампазітара Збігнева Прайснера, выдадзены ў 1995 годзе лэйблам «Virgin France»[1].

Змест[правіць | правіць зыходнік]

НазваФільм Працягласць
1. «Perte» «Экспрапрыяцыя» (рэж. Джон Ірвін) 02:05
Частка I
НазваФільм Працягласць
2. «Lac» «Дэкалог, адзін» (рэж. Кшыштаф Кеслёўскі) 02:40
3. «Commencement» «Кароткі фільм пра забойства» (рэж. Кшыштаф Кеслёўскі) 01:30
4. «Decision» «Кароткі фільм пра забойства» (рэж. Кшыштаф Кеслёўскі) 01:46
5. «Holocaust» «Дэкалог, восем» (рэж. Кшыштаф Кеслёўскі) 01:43
6. «Nymphea» «Дэкалог, дзевяць» (рэж. Кшыштаф Кеслёўскі) 02:10
Частка II
НазваФільм Працягласць
7. «Marionnettes» «Падвойнае жыццё Веранікі» (рэж. Кшыштаф Кеслёўскі) 02:27
8. «Pluie» «Патаемны сад» (рэж. Агнешка Холанд) 01:51
9. «Jardin d'hiver» «Патаемны сад» (рэж. Агнешка Холанд) 02:05
10. «Oiseaux» «Патаемны сад» (рэж. Агнешка Холанд) 00:54
11. «Jardin d'ete» «Патаемны сад» (рэж. Агнешка Холанд) 02:14
Частка III
НазваФільм Працягласць
12. «Lave» «Парывы жадання» (рэж. Леа Пул) 01:40
13. «Conte d'amour» «Парывы жадання» (рэж. Леа Пул) 02:25
14. «Cascade» «Гульні ў палях Госпада» (рэж. Эктар Бабенка) 03:45
15. «Damage» «Шкода» (рэж. Луі Маль) 01:35
16. «Homecoming» «Калі мужчына кахае жанчыну» (рэж. Луіс Мандокі) 02:27
17. «Bataille» «Еўропа Еўропа» (рэж. Агнешка Холанд) 01:41
Частка IV
НазваФільм Працягласць
18. «Aurore» «Квартэт у 4 частках» (рэж. Лукіа Рыкакі) 04:19
19. «Labyrinthe» «Егіпет» (рэж. Іаланта Пташынска) 09:10
20. «Ciel» «Егіпет» (рэж. Іаланта Пташынска) 03:04
Частка V
НазваФільм Працягласць
21. «Tango» «Тры колеры: Белы» (рэж. Кшыштаф Кеслёўскі) 02:24
22. «Bolero» «Тры колеры: Чырвоны» (рэж. Кшыштаф Кеслёўскі) 03:01
23. «Enfer» «Падвойнае жыццё Веранікі» (рэж. Кшыштаф Кеслёўскі) 04:40
24. «Song for the unification of Europe» «Тры колеры: Сіні» (рэж. Кшыштаф Кеслёўскі) 07:11
25. «Perte» «Экспрапрыяцыя» (рэж. Джон Ірвін) 02:32

Канцэрт у Вялічцы[правіць | правіць зыходнік]

Капліца св. Кінгі ў Вялічцы, дзе 15 чэрвеня 1995 года адбыўся першы канцэрт музыкі Прайснера.

Поспех фільмаў Кшыштафа Кеслёўскага, які не ў малой ступені быў дасягнуты і дзякуючы музыцы Збігнева Прайснера, прынёс кампазітару міжнароднае прызнанне[2], а таксама паспрыяў кар’еры Прайснера ў Еўропе і Злучаных Штатах[3]. У першай палове 1990-х гадоў ён напісаў музыку для фільмаў англійскага рэжысёра Джона ІрвінаЭкспрапрыяцыя[en]»), бразільца Эктара БабенкаГульні ў палях Госпада[en]»), француза Луі МаляШкода[en]»), канадскай рэжысёркі Леа ПулПарывы жадання[en]»), мексіканца Луіса Мандокі[en]Калі мужчына кахае жанчыну[en]»), а таксама для шэрагу фільмаў польскай рэжысёркі Агнешкі ХоландЕўропа Еўропа[en]», «Аліўе Аліўе[en]», «Патаемны сад[en]»).

У гэты час на творчым шляху Прайснера паўстала пытанне: ці мае яго кінамузыка самакаштоўнасць і незалежнасць ад кіно? Каб адказаць сабе на гэтае пытанне Прайснер даў свой першы канцэрт. Гэта адбылося 15 чэрвеня 1995 года ў саляной шахце ў Вялічцы. На канцэрце гучала музыка Прайснера з кінастужак Кшыштафа Кеслёўскага, Агнешкі Холанд, Луі Маля ды іншых у выкананні Варшаўскага сімфанічнага аркестру, Варшаўскага камернага хору, хлапечага хору Кракаўскай філармоніі і салістаў[4]. Канцэрт завяршыўся доўгай авацыяй стоячы[5].

Запіс канцэрта быў выпушчаны асобным альбомам «Preisner’s Music». Адмысловыя гонгі разбіваюць канцэрт на пяць сэнсавых частак: пасля ўступнай мелодыі з фільма «Экспрапрыяцыя» гучыць шэраг мелодый з кінацыкла «Дэкалог» Кшыштафа Кеслёўскага; у другую частку ўвайшлі «Марыянеткі» з «Падвойнага жыцця Веранікі» і некалькі кампазіцый з фільма «Патаемны сад» Агнешкі Холанд; трэцяя частка ўключае ў сябе саўндтрэкі фільмаў «Парывы жадання» (рэж. Леа Пул), «Гульні ў палях Госпада» (рэж. Эктар Бабенка), «Шкода» (рэж. Луі Маль), «Калі мужчына кахае жанчыну» (рэж. Луіс Мандокі), «Еўропа Еўропа» (рэж. Агнешка Холанд); у чацвёртай частцы гучыць кінамузыка, дзе вядучую ролю іграе вакалістка Эльжбета Таварніцка; завяршаюць канцэрт найбольш вядомыя творы Прайснера, напісаныя да фільма Кшыштафа Кеслёўскага «Падвойнае жыццё Веранікі» і трылогіі «Тры колеры»[6].

На дыску «Preisner’s Music» значацца наступныя словы Прайснера:

" Я не люблю вяртацца назад і рабіць тое, што ўжо калісьці зрабіў, але я мусіў даведацца, ці гучыць мая музыка гэтак жа добра, калі яе не суправаджае кіно. Ці цвёрда яна стаіць на сваіх нагах, вырваная з кінематаграфічнага кантэксту? Каб праверыць гэта, я выбраў саляную шахту ў Вялічцы, непадалёк ад Кракава: патаемнае, загадкавае магічнае месца на глыбіні 130 метраў па зямлёй. Унікальная атмасфера з выключнай акустыкай[7][6]. "

Зноскі[правіць | правіць зыходнік]

  1. Zbigniew Preisner – Preisner's Music (англ.) . Discogs. Праверана 6 ліпеня 2019.
  2. Zbigniew's biography (англ.) . Афіцыйны сайт Збігнева Прайснера. Праверана 6 ліпеня 2019.
  3. Małgorata Kosińska. Zbigniew Preisner (англ.) . Culture.pl (October 2006, upd. March 2014). Праверана 6 ліпеня 2019.
  4. World Art Underground - program. Праверана 31 студзеня 2018.
  5. Sztuka w krainie soli. Праверана 31 студзеня 2018.
  6. 6,0 6,1 Zbigniew Preisner, «Preisner’s Music», Virgin France, 1995.
  7. Albums: Preisner's Music (англ.) . Афіцыйны сайт Збігнева Прайснера. Праверана 6 ліпеня 2019.

Знешнія спасылкі[правіць | правіць зыходнік]