Tatra K2

Tatra K2
Tatra K2 у Брно.
Вытворца	ЧКД
Адзінак пабудавана	567
Гады выпуску	1966—1983
Характарыстыкі
Месцаў для сядзення	49
Намінальная змяшчальнасць	108 (5 чал/м²)
Габарыты
Даўжыня	21 600 мм
Шырыня	2500 мм
Вышыня	3050 мм
Рухавікі
Максімальная сумарная магутнасць цягавых электрарухавікоў	160 кВт
Tatra K2 на Вікісховішчы

Вагон Tatra K2 — першы сучленены трамвай, які вырабляўся кампаніяй ЧКД з 1966 па 1983 гады. Выраблены на базе эксперыментальнага K1 з электрычным абсталяваннем ад T3. Прататып з’явіўся ў 1966 годзе пад нумарам 7000. Невялікі прамежак часу вагон ездзіў па Празе, затым быў перавезены ў горад Мост, а затым у Брно. Серыйная вытворчасць K2 пачалася ў 1966 годзе. Большасць вагонаў працягваюць эксплуатавацца (мадэрнізаваныя). Вагон быў абсталяваны чатырма цягавымі электрарухавікамі ТЕ 022. Токаздым у Tatra K2 ажыццяўляўся пры дапамозе пантографа. Новасібірск стаў першым горадам у СССР, які атрымаў чэшскія сучлененыя вагоны. Мадэрнізаваны K2 пастаўляўся ў вялікай колькасці ў Брно, уключаў у сябе пераробленую пярэднюю частку і абноўленае электроннае абсталяванне. Мадэрнізаваныя машыны атрымалі найменне K2R, дзе літара R азначае «рэканструяваны».

Мадыфікацыі

K2SU

K2SU — гэта версія K2, якая выпускалася з 1966 года для паставак у СССР. Вытворчасць была спынена ў 1969 годзе, было выпушчана 246 вагонаў. Адзіны захаваны на сённяшні дзень вагон K2SU — музейны вагон № 801 у Екацярынбургу, адноўлены ў 1998 годзе.

K2YU

Адзіны горад у Югаславіі, куды пастаўляліся K2, — Сараева. Вагоны K2YU практычна не адрозніваліся ад зыходнай мадэлі, але адно прыкметнае адрозненне — пантограф усталяваны не над пярэдняй, а над задняй цялежкай. Вырабляліся на працягу 1973—1983 гадоў.

Галерэя

• Tatra K2
• 
  Мадернізаны K2 у Браціславе
• 
  Вагон K2 у Брно
• 
  K2R у Остраве
• 
  Вагон K2YU у Сараеве