Tear down this wall!

Рэйган выступае перад Брандэнбургскімі варотамі

«Tear down this wall!» (бел.: Знясіце гэтую сцяну!) — фраза, вымаўленая прэзідэнтам ЗША Рональдам Рэйганам 12 чэрвеня 1987 года падчас выступу на плошчы перад Брандэнбургскімі варотамі ў Берліне. Рэйган звяртаўся да Гарбачова з заклікам дэмантаваць Берлінскую сцяну.

Цалкам словы Рэйгана гучалі наступным чынам:

Генеральны сакратар Гарбачоў, калі вы шукаеце міра, калі вы шукаеце росквіту для Савецкага Саюза і Усходняй Еўропы, калі вы шукаеце лібералізацыі, прыязджайце сюды да гэтых варот, містэр Гарбачоў, адчыніце гэтыя вароты. Містэр Гарбачоў, знясіце гэтую сцяну!

У арыгінале:

General Secretary Gorbachev, if you seek peace, if you seek prosperity for the Soviet Union and Eastern Europe, if you seek liberalisation, come here to this gate. Mr. Gorbachev, open this gate. Mr. Gorbachev, tear down this wall!

Вядома, што некаторыя супрацоўнікі адміністрацыі Рэйгана раілі яму перад паездкай у Германію пазбягаць гучных заклікаў, якія маглі б прывесці да чарговага пахаладання ў савецка-амерыканскіх адносінах. Тым не менш эмацыйны заклік, які мяжуе з патрабаваннем, усё ж быў уключаны ў прамову.

Праз два з паловай гады, у канцы 1989 года, сцяна была дэмантаваная.

Гл. таксама

• Ich bin ein Berliner

Спасылкі

• Reagan’s 'tear down this wall' speech turns 20 (USATODAY.com) (англ.)
• 20 Years After «Tear Down This Wall» Архіўная копія ад 25 жніўня 2013 на Wayback Machine (Time) (англ.)
•  "Berlin Wall" Speech - President Reagan's Address at the Brandenburg Gate - 6/12/87 (англ.)