The Battle Hymn of Lt. Calley
| The Battle Hymn of Lt. Calley | |
|---|---|
| Выканаўца | Тэры Нельсан |
| Дата выпуску | 1971 |
| Жанр | мастацкая дэкламацыя |
| Працягласць | 3 хвіліны і 27 секунд |
| Лэйбл | Plantation Records |
| Аўтары | Джуліан Уілсан і Джэймс М. Сміт |
| Прадзюсар | |
«The Battle Hymn of Lt. Calley» (бел.: Баявы гімн лейтэнанта Кэлі) — амерыканская песня 1971 года з вакалам Тэры Нельсана і музыкай групы «C-Company».
Гісторыя
[правіць | правіць зыходнік]Песня была напісана ў красавіку 1970 года Джуліанам Уілсанам і Джэймсам М. Смітам з горада Масл-Шолс, штат Алабама. У лістападзе таго ж года выдавецтва Quickit Publishing выпусціла некалькі асобнікаў. У сакавіку 1971 года Шэлбі Сінглтан, выдавец Harper Valley PTA, атрымаў правы на твор і выпусціў новы запіс пад сваім лэйблам Plantation Records[1]. Усяго за чатыры дні было прададзена больш за мільён копій сінгла, і 15 красавіка Амерыканская асацыяцыя гуказапісвальных кампаній прысвоіла яму Залаты дыск[2].
Змест
[правіць | правіць зыходнік]Песня пастаўлена на матыў «Баявога гімна Рэспублікі». Яна распавядае пра гісторыю лейтэнанта Уільяма Кэлі, які ў сакавіку 1971 года быў асуджаны за забойства мірных жыхароў у Сангмі. У песні абмяркоўваюцца розныя меркаванні аб вайне ў В’етнаме. Песня пачынаецца з дзяцінства Кэлі і як ён, будучы яшчэ маленькім дзіцём, марыў ўдзельнічаць у вайне і змагацца за сваю краіну. Паводле тэксту, у той час многія амерыканцы лічылі забойства на вайне няправільнымі: «яны зрабілі з мяне злыдня» (в’етн.: they've made me out a villain). Затым песня распавядае аб В’етнаме, дзе салдаты ЗША гінулі ў засадах праціўніка. Пад канец заяўляецца, што Кэлі не вінаваты; ён толькі выконваў загады і спачатку вайсковец лічыў гонарам змагацца, хоць у гэтым не было сэнсу.
Лірычны аповяд
[правіць | правіць зыходнік]Песня пачынаецца з ідэалізаванага выдуманага аповяду аб дзяцінстве Кэлі. Затым Нельсан кажа Кэлі, апісваючы сябе як забытага салдата, пакрыўджанага на антываенных дэманстрантаў і палітыкаў, якія адмаўляюцца ад перамог на поле бою за сталом перамоваў. Затым Кэлі дае ілжывую справаздачу аб працяглай і наўмыснай разні мірных жыхароў у Сагнмі як аб спадарожнай шкодзе на поле бою, выкліканай стральбой ворага, што хаваецца за мірных жыхароў[3].
Значэнне
[правіць | правіць зыходнік]«The Battle Hymn of Lt. Calley» заахвоціў многіх іншых аўтараў. Пад натхненнем песні было напісана звыш за 90 іншых твораў пра лейтэнанта Кэлі і разню ў Сангмі. Менавіта «The Battle Hymn of Lt. Calley» Тэры Нэльсана стаў самай вядомай песняй у абарону лейтэнанта[4].
Згадванне
[правіць | правіць зыходнік]Песня згадваецца ў рамане Хантэра Томпсана «Страх і агіда ў Лас-Вегасе».
У чартах
[правіць | правіць зыходнік]| Чарты (1971) | Пазіцыі |
|---|---|
| U.S. Billboard Hot 100 | 37 |
| U.S. Billboard Hot Country Singles | 49 |
Зноскі
- ↑ Christgau, Robert. Consumer Guide (17): Additional Consumer News. The Village Voice (22 красавіка 1971). — «Shelby Singleton's Plantation Records, which first hit with "Harper Valley PTA," is getting a lot of c&w airplay for "The Battle Hymn of Lt. Calley," written and performed (execrably, by the way) by non-professionals and published, no kidding, by Quickit Publishing Co.»
- ↑ Murrells, Joseph (1978). The Book of Golden Discs (2nd ed.). London: Barrie and Jenkins Ltd. p. 299. ISBN 0-214-20512-6.
- ↑ Vietnam War: My Lai & Lt. William Calley Songs. RYM. Праверана 28 May 2019.
- ↑ The Vietnam War: A History in Song. History Today. Праверана 15 August 2021.