Trubetskoy

З пляцоўкі Вікіпедыя
Jump to navigation Jump to search
Trubetskoy
Жанры Рок
Альтэрнатыўны рок
Панк-рок
Гады 2014 — нашыя дні
Краіна Flag of Belarus.svg Беларусь
Горад Flag of Minsk, Belarus.svg Мінск
Адкуль Мінск
Мова песень Руская
Беларуская
Украінская
Лэйбл Союз
Склад Павел Булатнікаў
Руслан Уладыка
Дзмітрый Свірыдовіч
Аляксандр Старажук
trubetskoy.me

Trubetskoy — гурт з Мінска, утвораны часткай былых ўдзельнікаў калектыву «Ляпис Трубецкой». Грае ў жанрах панк і альтэрнатыўны рок. Будучы пераемнікам «Ляпісаў», калектыў дазваляе сабе выконваць песні дадзенага гурта ў сваёй апрацоўцы. Таксама выконваюцца і ўласныя кампазіцыі[1]. Лагатып і фірмовы стыль для гурта распрацавала дызайн-студыя «ARTCORE».

Гісторыя і развіццё[правіць | правіць зыходнік]

17 сакавіка 2014 года Сяргей Міхалок аб'явіў аб распадзе гурта Ляпис Трубецкой з восені бягучага года. 31 жніўня калектыў сапраўды скончыў сваю дзейнасць. У ноч на 1 верасня ў інтэрнэце на розных сайтах з'явіліся паведамленні пра ўтварэнне двух новых груп — Brutto на чале з Міхалком, і Trubetskoy з Булатнікавым[2].

Першы сінгл «Ласточка» з'явіўся ў iTunes 1 верасня. Гэтую кампазіцыю можна назваць дэбютнай толькі для Trubetskoy, паколькі яна час ад часу выконвалася на канцэртах Ляпісаў, але, нягледзячы на просьбы фанатаў, так і не была выдадзена ў версіі студыйнай аранжыроўкі[3].

Першы канцэрт паспяхова адбыўся ўжо 5 верасня 2014 на фестывалі «RESPUBLICA» ва ўкраінскім Камянец-Падольскім.

Першым афіцыйным рэлізам калектыва стаў максі-сінгл «Ёлки» (2014), які складаўся з чатырох трэкаў[4]. У 2015 годзе Trubetskoy запісаў сумесную песню з расійскім рэп-выканаўцам Лігалайз «Гагарин»[5]. Пазней з'явіўся беларускамоўны сінгл «Прывітанне ўсім наогул». У тым жа 2015 годзе выйшаў дэбютны альбом гурта «Magister Bibendi» з песнямі на рускай, беларускай і украінскай мовах[6].

Дыскаграфія[правіць | правіць зыходнік]

  • «Ёлки» (максі-сінгл, 2014)[4]
  • «Прывітанне ўсім наогул» (сінгл, 2015)
  • «Magister Bibendi» (альбом, 2015)[6]

Склад удзельнікаў[правіць | правіць зыходнік]

Былыя ўдзельнікі[правіць | правіць зыходнік]

Цікавыя факты[правіць | правіць зыходнік]

  • 1 верасня, як толькі калектыў пачаў сваю дзейнасць, ва ўсіх сацыяльных сетках была змешчана фатаграфія афішы бліжэйшых канцэртаў, на якой 1 лістапада быў абазначаны канцэрт у Мінску (клуб «RE:Public»). Аднак потым гэтае фота было заменена на ўжо без пазначанага ў Мінску канцэрта. Гэта не магло быць памылкай ці жартам, таму, верагодна, гаворка ідзе пра чарговыя забароны і перашкоды з боку ўладаў.
  • Адразу пасля запуску старонкі суполкі калектыву У Кантакце, у каментарыях і адпаведных тэмах людзі пачалі задаваць пытанні пра адсутнасць духавых інструментаў у «Трубяцкім». Агулам назбіралася больш за паўтары сотні меркаванняў. Людзі лічаць, што сола-гітара не здольна замяніць гук медных духавых. Сапраўды, духавая секцыя з'яўлялася неад'емнай рысай былога «Ляписа Трубецкого». Але музыкі пазіцыянуюць сябе як новы толькі што створаны незалежны гітарны калектыў, таму ад старых сувязей адмаўляюцца.

Зноскі

Спасылкі[правіць | правіць зыходнік]