William Hill

William Hill
William Hill
Тып	публічная кампанія
Лістынг на біржы	Лонданская фондавая біржа
Заснаванне	1934
Заснавальнікі	William Hill[d]
Размяшчэнне	Лондан;
Галіна	азартная гульня
Прадукцыя	букмекер[d]
Сайт	williamhill.com; williamhill.com; williamhill.co.uk (англ.)

William Hill - адна з найбуйнейшых букмекерскіх кантор Злучанага Каралеўства. Штаб-кватэры кампаніі размяшчаюцца ў наваколлях Вуд-Грын, Лондан, а таксама ў раёне Хеахілс горада Лідс, Заходні Ёркшыр. Акцыі кампаніі ўключаны ў індэкс FTSE 100 Лонданскай фондавай біржы. Па стане на 2 жніўня 2013 года паказчык рынкавай капіталізацыі кампаніі складае 4, 07 мільярда фунтаў.

Кампанія была заснавана Уільямам Хілам у 1934 годзе — у тыя часы, калі азартныя гульні ў Вялікабрытаніі^[1] былі забаронены. З таго часу кампанія шмат разоў мяняла свайго ўладальніка: у 1971^[2] яна была набыта Sears Holdings, у 1988 — Grand Metropolitan, а ў 1989 уладальнікам была кампанія Brent Walker.

Дзейнасць[правіць | правіць зыходнік]

Кампанія вядзе сваю дзейнасць па ўсім свеце, маючы 16600 супрацоўнікаў і галоўныя офісы ў Злучаным Каралеўстве, Ірландыі і Гібралтары. Кампанія прадастаўляе свае паслугі па тэлефоне, у Інтэрнеце або ў 2300 ліцэнзаваных букмекерскіх канторах па ўсёй Вялікабрытаніі. У 2007 годзе кол-цэнтры кампаніі для прыёму тэлефонных ставак, размешчаныя ў Ротэрхэме, Паўднёвы Ёркшыр, прынялі 125 тыс. ставак на скачкі Grand National. Паводле дадзеных кампаніі, іх пункты прыёму ставак апрацоўваюць у сярэднім больш за адзін мільён ставак у дзень.^[3] Зараз працуе на тэрыторыі Літвы, Латвіі, Аўстраліі, Сербіі, Таджыкістана, Манголіі.^[4]

Гісторыя[правіць | правіць зыходнік]

У 2008 годзе William Hill пакінулі Італію ўсяго праз два гады, гэтая няўдача каштавала кампаніі выдаткаваных інвестыцый^[5] на суму 1 млн фунтаў. Сумеснае прадпрыемства ў Іспаніі было зачынена ў студзені 2010 года.

У сакавіку 2009 года William Hill закрылі 14 пунктаў прыёму ставак у Ірландыі.^[6]

У верасні 2009 года кампанія прыняла ўдзел у таргах на куплю першай ліцэнзіі на анлайн гемблінг у Індыі, выказваючы сваю зацікаўленасць у выхадзе на індыйскі рынак букмекераў праз Сіккім, аддалены раён у Гімалаях.^[7]

У чэрвені 2012 года William Hill з'явіліся ў Невадзе, адзіным штаце ЗША, дзе дазволеныя паўнавартасныя стаўкі на спорт.^[8]

William Hill выйшаў з Сінгапура 1 лютага 2015 года з мэтай захавання Закона аб выдаленай гульні, і з папярэджаннем, што гульня ў азартныя гульні ў Сінгапуры на William Hill забаронена.^[9]

З красавіка 2016 года сайт Wiliam Hill блакуецца Раскамнаглядам на тэрыторыі Расійскай Федэрацыі. Тым не менш, кампанія па-ранейшаму прымае гульцоў з краін былога СНД, уключаючы Расію.^[10]

Блакаванне рахункаў[правіць | правіць зыходнік]

З 2010 года William Hill вядзе кампанію па блакіроўцы рахункаў карыстальнікаў, якія жадаюць вывесці грашовыя сродкі са сваіх акаўнтаў. Адным з довадаў кампаніі ў карысць блакавання рахунку з'яўляецца пытанне бяспекі

Больш за 57% карыстачоў па ўсім свеце абвясцілі William Hill у несумленнай гульні і агідным стаўленні да гульцоў.^[11]

У кастрычніку 2016 года аб'яднанне paymentsJusticeforpunters заклікала камісію па азартных гульнях Вялікабрытаніі правесці дбайнае расследаванне дзеянняў аператара на прадмет магчымых парушэнняў. Група аматараў ставак абвінаваціла брытанскага букмекера William Hill у наўмыснай адмове ад выплаты выйгрышаў.^[12]

Спонсарства[правіць | правіць зыходнік]

У 2007 годзе William Hill прыгразілі спыніць спонсаванне розных скачак з прычыны спрэчак з TurfTV з нагоды іпадромаў.^[13] William Hill усё ж прыйшлося пайсці на зневажальную саступку і падпісаць дамову з каналам у студзені 2008.^[14]

У жніўні 2009 года William Hill сталі спонсарам футбольнай каманды Málaga CF, якая гуляе ў іспанскай La Liga.^[15]

У жніўні 2016 года падпісаны кантракт з "Чэлсі"^[16] і "Эвертанам". ^[17]

У чэрвені 2019 года букмекер стаў спонсарам адразу 7 іспанскіх футбольных клубаў:^[18]

Зноскі

[1] ttps://www.williamhillplc.com/about-us/our-history/

[2] ttp://www.oxforddnb.com/view/article/30943

[3] ttp://www.williamhillplc.com/

[4] ttps://stavkawin.com/%D1%80%D1%8B%D0%BD%D0%BE%D0%BA-%D0%B8%D0%B3%D0%BE%D1%80%D0%BD%D1%8B%D1%85-%D0%B7%D0%B0%D0%B2%D0%B5%D0%B4%D0%B5%D0%BD%D0%B8%D0%B9-%D0%BB%D0%B8%D1%82%D0%B2%D1%8B/

[5] ttp://www.thisislondon.co.uk/standard-business/article-23505552-italian-gamble-a-loser-for-hills.do

[6] ttp://www.irishtimes.com/newspaper/finance/2009/0210/1233867928827.html Архівавана 30 снежня 2010.

[7] ttps://www.independent.co.uk/news/business/news/betfair-and-william-hill-target-india-1810025.html

[8] ttp://www.vegasinc.com/news/2012/jun/21/british-oddsmaker-william-hill-gets-ok-operate-159/

[9] ttp://www.channelnewsasia.com/news/singapore/websites-that-promote/1621262.html?cid=FBSG Архівавана 2 лютага 2015.

[10] ttps://www.strategya.com/williamhill/

[11] ttps://www.trustpilot.com/review/williamhill.com

[12] ttps://www.theguardian.com/sport/2016/oct/19/bookies-defend-identity-checks-paying-winning-punters

[13] ttp://www.guardian.co.uk/sport/2007/mar/26/horseracing.sport

[14] ttp://sport.scotsman.com/sport/William-Hill-deal-with-TurfTV.3667502.jp

[15] ttp://www.tribalfootball.com/sanz-william-hill-deal-strengthens-malaga-relationship-british-community-282651

[16] ttps://www.championat.com/bets/news-2539302-william-hill-zakljuchil-sponsorskoe-soglashenie-s-chelsi.html

[17] ttps://bookmaker-ratings.ru/news/william-hill-stal-betting-partnerom-fk-e-verton/ Архівавана 14 красавіка 2022.

[18] ttps://www.championat.com/bets/news-3789021-william-hill-stal-sponsorom-srazu-semi-klubov-segundy.html

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]