Эдвіг

Эдвіг
Ēadwiġ
9-ы Кароль Англіі 23 лістапада 955 — 1 кастрычніка 959
Папярэднік	Эдрэд
Пераемнік	Эдгар
Нараджэнне	каля 941 Уэсекс, Англія
Смерць	1 кастрычніка 959(0959-10-01) Глостэр, Англія
Месца пахавання	Шаблон:Места пахавання Вінчэстэр
Род	Уэсекская дынастыя
Бацька	Эдмунд I
Маці	Эльфгіта
Жонка	Эльгіва
Дзейнасць	манарх
Медыяфайлы на Вікісховішчы

Эдвіг (англ.: Eadwig; 941 — 1 кастрычніка 959) — кароль Англіі з Уэсекскай дынастыі, які ўладарыў у 955—959 гадох. Старэйшы сын караля Эдмунда I і яго першай жонкі Эльфгіты.

Эдвіг стаў каралём калі яму было чатырнаццаць гадоў пасля смерці яго дзядзькі, караля Эдрэда. У пачатку ўладарства адправіў у выгнанне Данстана, галоўнага парадчыка пры двары свайго бацькі b дзядзькі.

Паводле хронікі, гэта здарылася пасля сваркі з гэтым уплывовым царкоўнікам падчас каранацыі маладога караля. Пакуль людзі падымалі келіхі за здароўе караля, Эдвіг пакінуў свята разам з дзяўчынай Эльфгівай (пазней яго жонка). Абражаны адсутнасцю караля, Дунстан адшукаў яго і прымусова прывёў назад. Эдвіг у адказ на такую знявагу да каралеўскай асобы абвінаваціў абата ў растраце дзяржаўных сродкаў і адправіў царкоўніка ў выгнанне.

З-за гэтага ўчынку Эдвіг атрымаў шмат ворагаў, прыхільнікаў Дунстана. У 958 годзе шляхта Мерсіі і Нартумбрыі на чале з Ода, архіепіскапам Кентэрберыйскім, абвясцілі каралём Эдгарда, малодшага брата Эдвіга. Ода скасаваў шлюб Эдвіга і Эльфгівы, пасля чаго адпраіў маладую ў Ірландыю. 1 кастрычніка 959 года кароль памёр пры невысветленных абставінах ва ўзросце васемнаццаці гадоў.

Вонкавыя спасылкі

• На Вікісховішчы ёсць медыяфайлы па тэме Эдвіг
• Англа-саксонская хроніка 920—1014 гады (англ.)