Нінліль

Нінліль
Энліль і Нінліль
багіня-маці
Міфалогія	Шумера-акадская
Пол	жанчына
Муж	Энліль
Дзеці	Нанна, Нергал, Ніназу, Энбілулу, Нінурта
Медыяфайлы на Вікісховішчы

Нінлі́ль (шумер. «Уладарка паветра») — багіня, гаспадыня ветру, жонка Энліля ў шумера-акадскай міфалогіі.

Імёны Нінліль і яе мужа Энліля сустракаюцца разам на шумерскіх гліняных таблетках ужо ў 3 тыс. да н. э. Паводле паданняў, Нінліль паходзіла з міфічнай краіны Дзільмун (магчыма, Бахрэйну). Мяркуюць, што першапачаткова яна ўвасабляла вобраз багіні-маці і заступніцы земляробаў. Энліль і Нінліль сустрэліся на рацэ каля месапатамскага горада Ніпура. Энліль прывабіў юную Нінліль сваёй прыгажосцю ці танцам. Матыў іх кахання непасрэдна звязаны з ракою ці нават замагільным светам, адкуль Нінліль выратоўвае свайго мужа. У пазнейшай версіі міфа, Энліль гвалціць Нініліль.

Багіня Нінліль таксама была вядомай у асірыйскай і вавілонскай міфалогіі, дзе выступала ў якасці жонкі багоў Ашура і Мардука.

Гл. таксама

• Дземетра
• Ісіда

Літаратура

1. (англ.) Michael Jordan, Encyclopedia of Gods, Kyle Cathie Limited, 2002.

Спасылкі

• Шумерскі міф аб Энліле і Нінліль
• Міфалогія старажытнага свету