Беларуская партыя «Зялёныя»

Беларуская партыя «Зялёныя»
Беларуская партыя «Зялёныя»
Выява лагатыпа
Лідар	Алег Анатольевіч Новікаў
Дата заснавання	17.04.1994
Дата роспуску	27 ліпеня 2023
Штаб-кватэра	246023, Гомель, Брэсцкая, 6; тэл. 47-08-08
Краіна	Беларусь
Ідэалогія	зялёная палітыка, экасацыялізм
Колькасць членаў	1141 (2002)
Сайт	belgreens.org

Беларуская партыя «Зялёныя» (БПЗ) — палітычная партыя Рэспублікі Беларусь. Партыя была заснавана 17 красавіка 1994 г. і зарэгістравана 3 чэрвеня 1994 г.

Мэты

Стварэнне здаровага жыццёвага асяродздзя для чалавека, сацыяльныя і прыродныя параметры якога забяспечваюць максімум магчымасцей для яго развіцця; развіццё духоўнасці, высокамаральных адносін да ўсяго жывога, фарміраванне і распаўсюджванне экалагічнага стылю мыслення на ўсе сферы жыцця людзей, у тым ліку і на палітычную; мір паміж народамі і дзяржавамі, забарона, а ў перспектыве і знішчэньне ядзернай, хімічнай і біялагічнай зброі, а таксама найболей жорсткіх відаў звычайнага ўзбраення.

Гісторыя

13 верасня 1999 г. партыя прайшла перерэгістрацыю. 9-12 кастрычніка 2008 г. ў Парыжы адбыўся кангрэс Еўрапейскай партыі зялёных (EGP), у працы якога прынялі ўдзел дэлегаты БПЗ. Падчас кангрэса было разгледжана заява БПЗ аб тым, каб прысвоіць беларускім «зялёным» статус партыі-назіральніка ў EGP. Удзельнікі кангрэса аднагалосна задаволілі просьбу.

31 мая 2010 г. партыя выставіла свайго кандыдата ў Прэзідэнты РБ — Ю.Э.Глушакова (намеснік страшыні партыі, былы дэпутат Гомельскага гарсавета. Аднак, у кастрычніку 2010г. Юры Глушакоў заявіў аб зняцці сваёй кандыдатуры:

«Я заяўляю аб тым, што я як прэтэндэнт, не буду далей удзельнічаць у прэзідэнцкай кампаніі. Нашай партыі, на жаль, не атрымалася сабраць неабходнага для вылучэння колькасці подпісаў»

У верасні 2010 г. неўзабаве пасля затрымання шэрагу сацыяльных актывістаў анархісцкага толку, быў затрыманы эколаг Уладзімір Валодзін, член Савета партыі БП «Зялёныя».

5 лістапада 2011 г. у Мінску прайшоў з'езд партыі. Падчас з’езду дэлегаты переабралі склад Цэнтральнага Савету і кіраўнічыя структуры партыі – старшыню, яго намеснікаў, сяброў цэнтральна – рэвізійнай камісіі. У выбарах старшыні партыі удзельнічалі былы старшыня Алег Новікаў і Дзмітрый Серабракоў, дэлегат з Бабруйску. За Алега Новікава прагаласавала 29 чалавек, за Дзмітрыя Серабракова — 5. Сярод іншых тэм, якія ўздымаліся на зборах, былі пытане партыйнай сімволікі, папраўкі ў статут БПЗ, будаўніцтва ў Беларусі АЭС.

У лістападзе 2011 г. члены партыі прынялі ўдзел у да петыцыйнай кампаніі супраць магчымага расстрэлу Канавалава і Кавалёва, якіх абвінавачваюць у выбуху у мінскім метро 11 красавіка.

«Зялёныя і так заўсёды выступаюць супраць практыкі смяротнага пакарання ў Беларусі, якая застаецца апошняй краінай у Еўропе, дзе засталася такая антыгуманістычная форма пакарання. Смяротнае пакаранне гэта ў тым ліку магчымасць судовай памылкі. Тым больш у дадзеным выпадку, калі віна падазраваных на думку грамадскасці цалкам не даказаная. Патрэбна як мінімум правядзення дадатковага следства»