Селядцападобныя

? Селядцападобныя
Сардзіна еўрапейская
Навуковая класіфікацыя
Царства:	Жывёлы
Тып:	Хордавыя
Надклас:	Рыбы
Клас:	Касцявыя рыбы
Атрад:	Селядцападобныя
Навуковая назва
Clupeiformes
Сістэматыка на ВікіВідах Выявы ў ВікіСховішчы

Селядцападобныя (Clupeiformes) — атрад касцістых рыб.

Вядомыя з верхняюрскага, шматлікія з верхнемелавога перыяду. Падзяляюцца на 3 сямействы: селядцовыя, анчоусавыя, дарабавыя; каля 70 родаў, 300 відаў. Пашыраны ў трапічных, умераных і зрэдку ў халодных марскіх водах; некаторыя жывуць у прэсных водах або заходзяць у рэкі на нераст. Чародныя пелагічныя рыбы.

Даўжыня 5—75 см (дараб да 3,7 м), маса (акрамя дараба) ад некалькіх грамаў да 4 кг. Цела серабрыстае, сціснутае з бакоў, укрытае цыклоіднай луской. Спінны плаўнік адзін, брушныя плаўнікі маюць 6—8 прамянёў. Адкрытапузырныя, плавальны пузыр злучаецца каналам са страваводам і мае адросткі. Добра развіты сейсмасенсорныя каналы на жабравай накрыўцы. Кормяцца планктонам (дараб — драпежнік).

Многія віды аб'екты промыслу.

Літаратура

• Селядцападобныя // БЭ ў 18 т. Т. 14. Мн., 2002.