Струста (возера)

Струста
Морфаметрыя
Вышыня над узроўнем мора	127 м
Даўжыня	6,4 км
Плошча	13 км²
Аб’ём	94,3 км³
Найбольшая глыбіня	7,3 м і 23 м
Басейн
Плошча вадазбору	236 км²
Размяшчэнне
Краіна	Беларусь
Струста (возера)
Медыяфайлы на Вікісховішчы

Струста — возера ў Браслаўскім р-не Віцебскай вобл.

Плошча 13 км². Найбольшая глыбіня 23 м. Даўжыня 6,4 км. Найбольшая шырыня 4,2 км. Даўжыня берагавой лініі 27,8 км. Аб′ём вады 94,3 млн. м³. Плошча вадазбору 223 км². У бас. р. Друйка, за 4 км на поўначы ад г. Браслаў, у зоне адпачынку Браслаў. Уваходзіць у Браслаўскую групу азёр. Схілы катлавіны вышынёй 5—8 м (на Пн 25—30 м), абразійныя, парослыя хмызняком і лесам, часткова разараныя. Берагі нізкія, пераўвільготненыя, на поўначы зліваюцца са схіламі. Ёсць мноства заліваў і 7 астравоў (агульная пл. 2,58 км²; найбольшыя Чайчын, Шова, Бярозаўскія, Яленя). Прыбярэжная зона да глыбіні 3 м пясчаная, трапляюцца гліны; глыбакаводную зону высцілаюць ілы, часткова сапрапелі. Каля паўднёвага і ўсходняга берагоў паласа трыснягу і чароту шырынёй да 300 м. Да глыбіні 6—7 м растуць харавыя водарасці, эладэя, рагаліснік, рдзесты. На 3 упадае р. Акмяніца, злучана пратокамі з азёрамі Снуды, Балойса і Ельня, сцёк праз пратоку ў воз. Войса.

Праз возера праходзіць турысцкі маршрут.

Літаратура

• Блакітная кніга Беларусі : Энцыклапедыя / рэдкал.: Н. А. Дзісько і інш. — Мн.: БелЭн, 1994. — 415 с. — 10 000 экз. — ISBN 5-85700-133-1.
• Природа Белоруссии: Попул. энцикл. / БелСЭ; Редкол.: И. П. Шамякин (гл. ред.) и др. — Мн.: БелСЭ, 1986. — 599 с., 40 л. ил. (руск.)
• Государственный водный кадастр: Водные ресурсы, их использование и качество вод (за 2004 год). — Мн.: Министерство природных ресурсов и охраны окружающей среды, 2005. — 135 с.
• Ресурсы поверхностных вод СССР. Описание рек и озёр и расчёты основных характеристик их режима. Т. Ч.