Цэнтральны раён (Мінск)

Файл:Belarus-Minsk-Island of Tears-1.jpg

Мемарыял у Цэнтральным раёне Мінска

Цэнтральны раён, адміністрацыйны раён Мінска. Размешчаны ў цэнтральнай частцы горада. Плошча: 4,1 тыс. га. Насельніцтва: 115 тыс. чалавек.

Гісторыя

Створаны ў 1969. У 2000 да Цэнтральнага раёна далучана частка тэрыторыі Фрунзенскага раёна.

Эканоміка

26 прамысловых прадпрыемстваў, у тым ліку ЗАТ «Атлант», ААТ «Гарызонт», СП ЗАТ «Мілавіца», КУП «Мінскхлебпрам». 37 будаўнічых арганізацый. усяго больш за 7 тыс. суб'ектаў гаспадарання.

Каля 400 магазінаў, у тым ліку два вялікіх універмага «ГУМ» і «Гандлёвы дом на Нямізе».

Культурны ўплыў

У Цэнтральным раёне знаходзяцца 25 устаноў культуры, у тым ліку «Палац Рэспублікі», 4 бібліятэкі, 5 тэатраў, 3 кінатэатры, 7 музеяў, 4 клубныя ўстановы, дзіцячая музычная школа.

У 20 навучальных установах раёна навучаюцца 15,5 тыс. чалавек. Тры ВНУ: Акадэмія музыкі, Беларускі дзяржаўны універсітэт фізічнай культуры, Інстытут парламентарызму і прадпрымальніцтва. Два ССУ: Мінскае сувораўскае вучылішча і Музычнае вучылішча імя Глінкі.

На тэрыторыі раёна размешчаны 2-я і 7-я клінічныя бальніцы, 2-я дзіцячая клінічная бальніца, эндакрыналагічны і наркалагічны дыспансеры.