Барабан (архітэктура)

Цыліндрычны барабан, на які абапіраецца купал

Бараба́н — цыліндрычная або шматгранная частка будынка, якая нясе купала. Ніжняя частка барабана абапіраецца на сцены або падпружныя аркі, якія ўмацоўваюць або падтрымліваюць скляпенні. Звычайна барабан вянчае будынак не ратандальнай, а прамавугольнай формы, а для пераходу ад квадратнага ў плане падмурка да круглага ў сячэнні барабана выкарыстоўваюцца або асобыя трохвугольныя скляпенні — ветразі, або тромпы , г.зн. нішападобныя скляпеністыя канструкцыі па вуглах квадратнага падножжа.

Барабан, як правіла, прарэзаны выцягнутымі вокнамі, а знадворку можа быць аформлены аркатурным ці аркатурна-калончатым поясам і іншым архітэктурным дэкорам. Барабан часта выкарыстоўваецца ў архітэктуры купальных хрысціянскіх цэркваў, асабліва, праваслаўных.

У архітэктуры Беларусі барабан вядомы з XI ст.

Фатаграфіі

• 
  Сабор Нікарцмінда. Грузія. Барабан купала.
• 
  Светлавы барабан і купал сабора Св. Пятра, Ватыкан.
• 
  Барабан і купал Брунелескі Санта-Марыя-дэль-Ф'ёрэ, Фларэнцыя.