Размовы:Ян Няміра

Спадарства, пачынальнікі гэтага артыкула, ці бачылі Вы дзе небудзь у гістарычнных крыніцах "Іван Няміра", на што вы спасылаецеся пры ўгрунтаваньні гэтага артыкула? Ці гэта своеасаблівая практыка перайменаваньняў? --Wouk 16:33, 27 Студзень 2008 (UTC)

"Каталіцкія храмы на Беларусі" пад рэд. А.М.Кулагін: "Пабудаваны па фундацыі ... Яна Няміры..." (Ст. 153); Т.Габрусь "Мураваныя харалы. Сакральная архітэктура беларускага барока": "... пабудаваны па фундацыі канюшага вялікага князя Вітаўта - Яна Няміры..."; Помнікі гісторыі і культуры беларусі №2/1987: ".., а уселюбам валодаў яшчэ Ян Няміра,.." (ст.21): Думаю што імя Ян на Іван зьменена беспадстаўна. З павагаю --Wouk 17:00, 27 Студзень 2008 (UTC)

Прапаную змяніць на Іаанн --Аляксандр Сакалоў 17:10, 27 Студзень 2008 (UTC)

Якое яшчэ "беспадстаўнае перайменаванне"?? :) Давайце без ідэалогіі.

Працы мастацтвазнаўцаў Габрусь і Кулагіна (якія, зрэшты, узаемаапыляюцца) — не аргумент адносна гістарычнай формы імя, таму што гэты гатунак інфармацыі там — другасны. Падумаўшы лагічна, ніякага засілля Янаў у пачатку 15 ст. ў нас быць не магло, а з'яўляюцца такія Яны — з трывіяльнага карыстання працамі польскіх аўтараў. Yury Tarasievich 17:23, 27 Студзень 2008 (UTC)

Хто яго там ведае, ён быў Іванам на Угры (1408), у крыніцах яго часам звалі і Івашкам, а яго сыноў здаралася і Іванавічамі. Магчыма ён перайшоў у каталіцтва перад 1413 і быў перахрышчаны на Яна (падобнае здаралася, напр. Сенька–Пётр), або каталіцкае яго імя не вядома, а Ян пазнейшае польскамоўнае пераіначванне з Івана. Карацей праўды ўжо цяжка даведацца. Дык чаму не падаць абодва варыянты? Прынамсі, калі што, можна першым падаць Яна, а Івана як другі варыянт. --MaximLitvin 18:34, 27 Студзень 2008 (UTC)

Спадзяюся на Ваш узровень веданьня пытаньня, спадар Максім, аб гэтых магчымых перайменаваньнях і як яго маглі зваць можна шмат спрачацца. Аднак пагадзіцеся трэба лічыцца з прынятым у навуковай літаратуры (не самай прагрэсыўнай у пытаньні рэфармаваньня мовы) варыянтам. --Wouk 18:52, 27 Студзень 2008 (UTC)

• Задачай Вікіпедыі не з'яўляецца "прагрэсыўнае рэфармаваньне мовы". Наконт таго, што і дзе (і чаму) "прынята" — казаць нельга, без лексікаграфічнага даследавання. А "думка" ўлічана — варыянт запісаны. Думаю, на гэтым тэму можна закрыць? Yury Tarasievich 19:19, 27 Студзень 2008 (UTC)

Пагаджаюся, надзвычай бесталковая дыскусія атрымалася.

Адна просьба, да спадара ўкладальніка, паколькі ён разьбіраецца ў гэтым пытаньні лепей за каго тут, асьвятліце пытаньне праблематыкі імя Няміры ў самім артыкуле. --Wouk 19:37, 27 Студзень 2008 (UTC)