Тувэ Янсан

Тувэ Янсан, 1956

Тувэ Янсан (шведск. Tove Jansson, 9 жніўня 1914, Хельсінкі, Фінляндыя — 27 чэрвеня 2001) — фінская шведскамоўная пісьменніца і мастачка.

Творчасць

Пісьменніца сусветна вядомая дзякуючы серыі дзіцячых аповесцяў пра мумітроляў. Цыкл кніг распавядае пра чароўны свет Мумідолу, гарманічнага краю, з насельнікамі якога адбываюцца вясёлыя, а часам і крышачку сумныя прыгоды. Тувэ Янсан, нягледзячы на папулярнасць яе дзіцячых кніг, лічыла сябе перш за ўсё мастачкай і сама ілюстравала свае творы.

Напісала таксама шэраг твораў для дарослых: зборнікі апавяданняў "Дачка скульптара" (Bildhuggarens dotter, 1968), "Лялечны дом і іншыя гісторыі" (Dockskapet och andra berattelser, 1978), біяграфічную аповесць "Летняя кніга" (Sommarboken, 1972), раман "Горад сонца" (Solstaden, 1974).

Па-беларуску выйшлі асобныя аповесці Тувэ Янсан у перакладах Насты Лабады і Алесі Башарымавай.

Беларускія пераклады

• Маленькія тролі і вялікая паводка / Тувэ Янсан; пер. са шведскай Насты Лабады; ілюстрацыі Тувэ Янсан. – Мн.: Зміцер Колас, 2010. – 56 с.: іл. 1000 экз. ISBN 978-985-6783-85-5
• Камета над далінай мумітроляў : [казачная аповесць: для малодшага школьнага ўзросту] / Тувэ Янсан; [пераклад з шведскай мовы Н. Лабады, А. Башарымавай; ілюстрацыі Т. Янсан]. - Мінск: Зміцер Колас, 2011. - 152, [2] с. 1000 экз. ISBN 978-985-6783-86-2 (у пераплёце)
• Капялюш чарадзея : [казачная аповесць] / Тувэ Янсан; пераклад з шведскай [А. Башарымавай]. - Мінск: Зміцер Колас, 2011. - 144, [2] с. 1000 экз. ISBN 978-985-6783-88-6