Клецк

Горад Клецк Герб Сцяг Краіна Беларусь Каардынаты 53°03′49″ пн. ш. 26°38′14″ у. д. Першая згадка 1127 Вышыня цэнтра 181 м Насельніцтва 10,2 тыс. чалавек (2009) Часавы пояс UTC+3 Тэлефонны код +375 1793 Паштовы індэкс 222531 СААТА 6225501000 Афіцыйны сайт kletsk.minsk-region.by  (руск.) Клецк на карце Беларусі

Клецк на Вікісховішчы

Клецк — горад у Мінскай вобласці Беларусі, адміністрацыйны цэнтр Клецкага раёна, на р. Лань. У 140 км да паўднёвага захаду ад Мінска; чыгуначная станцыя на лініі Асіповічы—Баранавічы. Аўтадарогамі злучаны з Нясвіжам, Баранавічамі, Слуцкам. Насельніцтва 10,4 тыс. чал. (2006).

Гісторыя

Паводле археалагічных даследаванняў, пабудаваны ў сярэдзіне XI ст. Упершыню ўпамінаецца ў летапісах пад 1127 г. як цэнтр княства (Клеческ, Кльчьск). У XIV ст. у складзе ВКЛ.

Клецкая бітва

Асноўны артыкул: Клецкая бітва

У 1503 г. Клецк быў спалены крымскімі татарамі. У 1506 г. на Беларусь напалі больш за 30000 крымскіх татараў, якіх прывялі Махмат-Гірэй, Біціс-Гірэй і Бурнаш-Салатн. Вялікі князь Аляксандр здолеў сабраць войска. 5 жніўня 1506 г. на рацэ Лань каля Клецка адбылася бітва. Перамога над войскам крымскіх царэвічаў была поўная: 27 тысяч татараў загінулі і патанулі ў рацэ, 3 тысячы трапілі ў палон. Перамога пад Клецкам, на думку гісторыкаў, паклала канец паходам татараў на Беларусь.

Рэфармацыя і новы час

У 1550—1560-я гады у Клецкім кальвінскім зборы служыў прапаведнікам Сымон Будны. У 1586 створаная Клецкая ардынацыя Радзівілаў. Падчас вайны Расіі з Рэччу Паспалітай (1654—1667) быў моцна разбураны. З 1793 у складзе Расійскай імперыі. У 19 ст. мястэчка, цэнтр воласці Слуцкага павета. Вядомы як гандлёвы цэнтр.

Навейшы час

З 1921 у складзе Польшчы, горад Нясвіжскага павета. У 1920-я працавала Клецкая беларуская гімназія. З 1939 у складзе БССР, з 1940 цэнтр раёна.

Эканоміка

Прадпрыемствы харчовай (малочнай, масласырадзельнай, кансервавай, камбікормавы), дрэваапрацоўчай, лёгкай прамысловасці. Гасцініца «Клецк».

Культура

Клецкі гісторыка-этнаграфічны музей.

Выдатныя мясціны

• Клецкі касцёл Звеставання Найсвяцейшай Панны Марыі і манастыр дамініканцаў
• Клецкая Пакроўская царква
• Клецкі будынак іешывы
• Клецкія казармы
• Клецкі шпіталь

Літаратура

• Клецк // Туристская энциклопедия Беларуси / редкол. Г. П. Пашков [и др.]; под общ. ред. И. И. Пирожника. — Мн.: Беларуская Энцыклапедыя, 2007. — 648 с. ISBN 978-985-11-0384-9;
• Полное собрание русских летописей / Академия наук СССР, Институт истории. Т. 1: Лаврентьевская летопись и Суздальская летопись по академическому списку / [под редакцией Е. Ф. Карского]. — М.: Издательство восточной литературы, 1962. — VIII, 577, [3] с.
• Полное собрание русских летописей / Академия наук СССР, Институт истории. Том 2: Ипатьевская летопись. — М.: Издательство восточной литературы, 1962. — XVI, 938, 87 с.

У Сеціве

• Інфастаронка города Клецка