Rattus exulans

? Rattus exulans
Навуковая класіфікацыя
Царства:	Жывёлы
Тып:	Хордавыя
Клас:	Сысуны
Атрад:	Грызуны
Сямейства:	Мышыныя
Род:	Пацукі
Від:	Rattus exulans
Навуковая назва
Rattus exulans Titian Peale, 1848
'
Сістэматыка на ВікіВідах Выявы ў ВікіСховішчы ITIS   180364 NCBI   34854

Rattus exulans, вядомы таксама як малы пацук , ціхаакіянскі пацук, палінезійскі пацук — жывёла роду сысуноў сямейства мышыных.

Апісанне

Rattus exulans адрозніваецца ад іншых пацукоў малымі памерамі. Мае карычневы мех, кароткія тонкія ногі, вялікія вушы. Старыя асобіны дасягаюць у даўжыню 15 см ад галавы да пачатку хваста і важаць да 80 г. Хвост не перавышае даўжыню цела і галавы, на кончыку пакрыты дробнымі лускавінкамі.

Rattus exulans усяедны. Вядзе пераважна начны вобраз жыцця. Будуе гняздо ля карэнняў дрэў, хмызнякоў, у скалах. Лёгка узбіраецца на дрэвы.

Распаўсюджанне

Rattus exulans - трэці па распаўсюджанасці пацук пасля шэрага і чорнага. Жыве пераважна ў трапічных краінах Акіяніі і Паўднёва-Усходняй Азіі, аднак сустракаецца і на Новай Зеландыі, Японіі, заходнім узбярэжжы ЗША, дзе клімат умераны. Арэал уключае лугі, хмызнякі і лясы, аднак Rattus exulans патрабуе адэкватнага забеспячэння харчам і жыллём (асабліва ва ўмераных шыротах).

Паходзіць з Паўднёва-Усходняй Азіі. Шырокае распаўсюджанне звязана з рассяленнем чалавека. У астранезійскіх народаў было прынята паляванне на Rattus exulans і ўжыванне яго мяса ў ежу, таму пацукоў наўмысна завозілі на шматлікія астравы Ціхага акіяна. У нашы дні разглядаецца як шкоднік і вынішчаецца.

Спасылкі

• Rattus exulans (Peale, 1848)
• R.J. Pierce, Kiore (Rattus exulans) impact on breeding success of Pycroft’s petrels and little shearwaters
• MERE ROBERTS, Origin, Dispersal Routes, and Geographic Distribution of Rattus exulans, with Special Reference to New Zealand