Стоўбцы

Горад Стоўбцы Герб Сцяг Краіна Беларусь Вобласць Мінская Раён Стаўбцоўскі Каардынаты 53°29′ пн. ш. 26°44′ у. д. Першая згадка 1511 Вышыня цэнтра 164 м Водныя аб’екты Нёман Насельніцтва 15,4 тыс. чалавек (2010) Часавы пояс UTC+3 Тэлефонны код +375 1717 Паштовы індэкс 222666 Аўтамабільны код 5 СААТА 6254501000 Афіцыйны сайт stolbtsy.minsk-region.by Стоўбцы на карце Беларусі ±

Стоўбцы на Вікісховішчы

Стоўбцы — горад у Мінскай вобласці Беларусі, адміністрацыйны цэнтр Стаўбцоўскага раёна, на правым беразе р. Нёман. У 78 км да паўднёвага захаду ад Мінска; чыгуначная станцыя на лініі Мінск—Брэст; каля аўтамагістралі Мінск-Брэст, вузел аўтадарог на Мір, Івянец, Нясвіж, Рубяжэвічы. Насельніцтва 15,5 тыс. чал. (2006).

Гісторыя

Вядомыя з 1-ай пал. 16 ст. (па некаторых звестках, з 1511) у ВКЛ. У пач. 17 ст. мястэчка ў Мінскім павеце належала А. Слушцы, які ў 1623 заснаваў тут манастыр дамініканцаў з касцёлам. Падчас вайны Расіі з Рэччу Паспалітай (1654—1667) і Паўночнай вайны (1700—1721) моцна разбураныя. З пач. 18 ст. валоданне С. Дэнгофа, з 1728 — Чартарыйскіх, цэнтр графства. У 1729 мястэчка атрымала магдэбургскае права. З 1793 у складзе Расійскай імперыі, з 1796 цэнтр воласці Мінскага павета. У 1871 у 2 км ад Стаўбцоў на чыгунцы Масква—Брэст пабудаваная аднайменная чыгуначная станцыя. У 1921—1939 у складзе Польшчы, горад, цэнтр гміны і павета ў Навагрудскім ваяводстве. З 1939 у БССР, з 1940 цэнтр раёна.

Эканоміка

Прадпрыемствы харчовай, машынабудаўнічай, дрэваапрацоўчай прамысловасці. Гасцініца «Стоўбцы». Уздоўж берагоў Нёмана — зона адпачынку рэспубліканскага значэння «Стоўбцы».

Культура

Раённая філармонія. Мастацкая галерэя. У Акінчыцах мемарыяльная сядзіба Я. Коласа (частка філіяла Літаратурна-мемарыяльнага музея Я. Коласа).

Выдатныя мясціны

• Стаўбцоўская Свята-Ганнінская царква

Вядомыя асобы

• Фабіян Акінчыц, беларускі грамадска-палітычны дзеяч, публіцыст, рэдактар
• Юрый Сабалеўскі, беларускі палітычны і нацыянальны дзеяч
• Івонка Сурвіла, старшыня Рады БНР, мастачка.
• Залман Шазар, 3-і прэзідэнт Ізраіля

Літаратура

• Столбцы // Туристская энциклопедия Беларуси / редкол. Г. П. Пашков [и др.]; под общ. ред. И. И. Пирожника. — Мн.: Беларуская Энцыклапедыя, 2007. — 648 с. ISBN 978-985-11-0384-9;

У Сеціве

• Горад Стоўбцы на Radzima.org
• Jurkau kutoczak — Юркаў куточак — Yury's Corner. Стоўбцы — горад на раце Нёман