Вікторыя Фёдараўна Азаранка: Розніца паміж версіямі
[недагледжаная версія] | [дагледжаная версія] |
Няма тлумачэння праўкі |
Няма тлумачэння праўкі |
||
Радок 20: | Радок 20: | ||
|вынікі_па_Аўстраліі = '''перамога''' (2012, 2013) |
|вынікі_па_Аўстраліі = '''перамога''' (2012, 2013) |
||
|вынікі_па_Францыі = 1/4 фіналу (2009, 2011) |
|вынікі_па_Францыі = 1/4 фіналу (2009, 2011) |
||
| |
|вынікі_па_Уімблдоне = 1/2 фіналу (2011, 2012) |
||
|вынікі_па_ЗША = фінал (2012) |
|вынікі_па_ЗША = фінал (2012) |
||
|парныя_вынікі = 135-51 |
|парныя_вынікі = 135-51 |
Версія ад 16:21, 21 лютага 2013
Нарадзілася |
31 ліпеня 1989 (34 гады) Мінск, СССР |
|
---|---|---|
Грамадзянства | Беларусь | |
Рэзідэнцыя | ||
Рост | 183 см | |
Вага | 66 кг | |
Прафесійная кар’ера | з 2003 | |
Вядучая рука | правая | |
Удар злева | двухручны | |
Трэнер(ы) |
Самюэль Cюмік Дэйв Мэцьюс |
|
Прызавыя грошы | 19 760 928 | |
Адзіночны разрад | ||
Вынікі (в/п) | 362 - 132 | |
Тытулы | 16 WTA, 1 ITF | |
Найвышэйшы рэйтынг | 1 (30 студзеня 2012) | |
Цяперашні рэйтынг | 2 (18 лютага 2013) | |
Турніры серыі Вялікага шлема | ||
Аўстралія | перамога (2012, 2013) | |
Францыя | 1/4 фіналу (2009, 2011) | |
ЗША | фінал (2012) | |
Парны разрад | ||
Вынікі (в/п) | 135-51 | |
Тытулы | 6 WTA, 3 ITF | |
Найвышэйшы рэйтынг | 7 (7 ліпеня 2008) | |
Турніры серыі Вялікага шлема | ||
Аўстралія | фінал (2008, 2011) | |
Францыя | фінал (2009) | |
ЗША |
2-гі круг (2009) |- bgcolor="#B0E0E6" align=center |colspan=3 | Дзяржаўныя і ведамасныя ўзнагароды |
|
Медыяфайлы на Вікісховішчы | ||
Апошняе абнаўленне: 8 кастрычніка 2012 |
Алімпійскія ўзнагароды | ||
---|---|---|
Тэніс (жанчыны) | ||
Золата | Лондан 2012 | Змяшаны парны разрад |
Бронза | Лондан 2012 | Адзіночны разрад |
Вікторыя Фёдараўна Азаранка (31 ліпеня 1989, Мінск) — беларуская тэнісістка. Заслужаны майстар спорту Рэспублікі Беларусь (2010). Алімпійская чэмпіёнка 2012 у міксце і бронзавы прызёр Гульняў-2012 у жаночым адзіночным разрадзе. Пераможца двух турніраў Вялікага шлема ў змяшаным парным разрадзе. Першая беларуская тэнісістка - пераможца двух турніраў Вялікага шлема ў адзіночным разрадзе.
Біяграфія
Тэнісам Вікторыя займаецца з 7 гадоў. Да восені 2004 года Вікторыя Азаранка трэніравалася ў Беларусі, рэгулярна выязджаючы на міжнародныя турніры. Пачаткам выступлення на міжнародных юнацкіх турнірах стаў 2002 год, а ўжо ў 2003 годзе Вікторыя выйграла першы міжнародны турнір у Ташкенце. У кастрычніку 2004 года перабралася ў Марбелью (Іспанія), каб трэніравацца ў тэніснай акадэміі. Трэнерам стаў нямецкі адмысловец, колішні трэнер Штэфі Граф. Знаходжанне ў Іспаніі аплачваў беларускі спонсар — «Белтэхэкспарт». Пазней Вікторыя перабралася ў Скоттсдэйл (штат Арызона, ЗША), дзё ёю апекавалася сям'я расійскага хакеіста Мікалая Хабібуліна.
Будучы юніёркаю, Вікторыя Азаранка стала чампіёнкаю Еўропы ў парным разрадзе сярод 14-гадовых і пераможцаю каманднага Кубка Еўропы ва ўзросце да 14 і 16 гадоў. На яе рахунку - перамога на юнацкіх турнірах «Вялікага шлема»: Уімблдон у парным разрадзе (чэрвэнь 2004 года; разам з беларускаю Вольгай Гаварцовай), Адкрыты чампіянат Аўстраліі (Australian Open) у адзіночным і парным разрадах (студзень 2005), Адкрыты чампіянат Францыі (Roland Garros) у парным разрадзе (2005; разам з вянгеркай Агнеш Савай), Адкрыты чампіянат ЗША ў адзіночным разрадзе (2005). Дзякуючы гэтым дасягненням у 2005 годзе Азаранка заняла першы радок у рэйтынгу дзяўчын-тэнісістак ва ўзроставай катэгорыі да 18 гадоў (31 студзеня 2005 года), а па выніках сезону стала чампіёнкаю свету сярод юніёрак па версіі Міжнароднай тэніснай федэрацыі ITF. 2005 год стаў апошнім у юніёрскай кар'еры Азаранкі - у кастрычніку 2005 года Вікторыя была ўжо ў шэрагу 200 лепшых тэнісістак свету - у рэйтынгу Жаночай тэніснай асацыяцыі (WTA) яна займала 149-е месца.
У 2007 годзе Вікторыя Азаранка ў пары з Максімам Мірным выйграе свой першы дарослы турнір Вялікага шлема ў змяшаным парным разрадзе - беларуская пара не мае роўных на Адкрытым чампіянаце ЗША. У 2008 годзе таксама ў змяшаным парным разрадзе Вікторыя Азаранка ў пары з амерыканскім тэнісістам Бобам Браянам здабывае тытул на Адкрытым чампіянаце Францыі.
10 студзеня 2009 года Азаранка ўпершыню перамагла на турніры WTA (Брысбен, прызавы фонд $220 тыс.). Раней Вікторыя 4 разы доходзіла да фіналаў падобных турніраў. У сярэдзіне студзеня 2008 года Азаранка заняла ў сусветным рейтынгу 14-ю пазіцыю.
22 лютага 2009 года Вікторыя Азаранка стала пераможцай турніру WTA Regions Morgan Championships-2009, які праходзіў у Мэмфісе (ЗША). Гэты турнір яна выйграла не толькі ў адзіночным, але і ў парным разрадах.
У сакавіку 2009 года на турніры ў Індыян-Уэлсе (ЗША) з агульным прызавым фондам $4,5 млн. Вікторыя Азаранка стала пераможцай жаночых парных спаборніцтваў (разам з расіянкаю Верай Званаровай) і дайшла да паўфіналу ў адзіночным разрадзе. У апублікаваным 23 сакавіка 2009 года рэйтынгу WTA Азаранка заняла 10-ю пазіцыю, як у адзіночным, так і ў парным разрадах, упершыню ў кар'еры прабіўшыся ў дзясятку мацнейшых тэнісістак свету.
4 красавiка 2009 года найлепшая беларуская тэнісістка стала пераможцаю турніру WTA ў Маямі з прызавым фондам $4,5 млн. Пасля гэтага ў рэйтынгу WTA яна перамясцілася на 8-ю пазіцыю. Па выніках 2009 года ў рэйтынг-лісце WTA Вікторыя Азаранка заняла 7-е месца.
1 жніўня 2010 года Вікторыя Азаранка выйграла турнір у Стэнфардзе (Каліфорнія, ЗША) з прызавым фондам $700 тыс. 24 кастрычніка ў Маскве беларуская тэнісістка выйграла Кубак Крамля.
2 красавіка 2011 года Вікторыя Азаранка ў другі раз стала пераможцай на буйным турніры ў амерыканскім Маямі, пасля чаго ўзнялася на 6-ы радок сусветнага тэніснага рэйтынгу. 10 красавіка яна выйграла тэнісны турнір з прызавым фондам $220 тыс. у іспанскай Марбэллі і ўпершыню ў кар'еры заняла 5-ы радок сусветнага тэніснага рэйтынгу, а ў верасні 2011 года ўзнялася на трэцяе месца ў сусветным рейтынгу WTA. На Выніковым чампіянаце Жаночай тэніснай асацыяцыі ў Стамбуле Вікторыя Азаранка дайшла да фіналу, дзе саступіла чэшскай тэнісістцы Петры Квітавай.
13 студзеня 2012 года Вікторыя Азаранка выйграла турнір у Сіднэі (Аўстралія) з прызавым фондам $637 тыс. 28 студзеня 2012 года выйграла Australian Open, стаўшы, такім чынам, першаю ў гісторыі тэніса прадстаўніцаю Беларусі - пераможцаю турніру Вялікага шлема ў адзіночным разрадзе (першаю беларускаю ў фінале турніраў Вялікага Шлема была Наталля Зверава). У фінальным матчы Азаранка літаральна разграміла Марыю Шарапаву (6:3, 6:0). З 30 студзеня па 10 чэрвеня 2012 года Азаранка ўзначальвала сусветны рейтынг WTA. У гэты перыяд Вікторыя выйграла прадстаўнічы турнір у Досе (Катар) і турнір прэм'ер-катэгорыі ў амерыканскім горадзе Індыян-Уэлс. Пераможная серыя Азаранкі з пачатку года склала 26 матчаў. Пачынаючы з сярэдзіны вясны назіралася пагаршэнне вынікаў Вікторыі. Не надта паспяховае выступленне на Адкрытым чампіянаце Францыі (прайграла ў 4 крузе) не дазволіла Азаранцы ўтрымацца на вяршыні рэйтынгу, і яна на 4 тыдні саступіла першы радок расіянцы Марыі Шарапавай. На Алімпійскіх гульнях у Лондане беларуская змяшаная тэнісная пара ў складзе Максіма Мірнага і Вікторыі Азаранкі выйграла золата - беларускія тэнісісты сталі алімпійскімі чампіёнамі. У адзіночным разрадзе Вікторыя Азаранка прайграла ў паўфінале будучай алімпійскай чампіёнцы амерыканцы Сярэне Уільямс, але выйграла матч за бронзавы мядаль у расіянкі Марыі Кірыленкі. Пасля Алімпіяды Азаранка вярнулася на вяршыню рэйтынгу Жаночай тэніснай асацыяцыі і ўтрымлівала лідарства на працягу 32 тыдняў. За гэты час Вікторыя выйграла прэстыжны Адкрыты чампіянат Кітая, стаўшы першаю тэнісісткаю, у якой атрымалася выйграць два супер-турніры за адзін сезон (першы Вікторыя выйграла ў Індыян-Уэлсе), а таксама турнір WTA ў Лінцы. Такім чынам, у сезоне-2012 Азаранка выйграла 6 турніраў, давёўшы колькасць тытулаў да 14. На Выніковым чампіянаце ў Стамбуле Азаранка спынілася на стадыі паўфіналу, прайграўшы Марыі Шарапавай, але нягледзячы на гэта, захавала за сабою тытул лідара сусветнага рэйтынгу. Таксама Азаранка за 2012 год зарабіла рэкордную суму прызавых грошай, абагнаўшы па гэтым паказчыку Сярэну Уільямс.
26 студзеня 2013 года Вікторыя Азаранка другі раз запар выйграла Australian Open, перамогшы ў драматычным трохсэтавым паядынку кітайскую тэнісістку Лі На (5 нумар сусветнага рэйтынгу), а 17 лютага паспяхова абараніла тытул пераможцы турніру ў Досе, упершыню з 2009 года перамогшы Сярэну Уільямс. Аднак гэтая перамога не дазволіла Азаранцы ўтрымаць першы радок у рэйтынгу WTA, паколькі яна не атрымала за перамогу новых пунктаў, у адрозненне ад Уільямс, якая летась не ўдзельнічала ў гэтым турніры. Пачынаючы з 18 лютага Вікторыя Азаранка - на другім месцы ў рэйтынгу, а яе лідарства працягвалася агулам 51 тыдзень - гэта 10 вынік ад пачатку Адкрытай эры і трэці - сярод дзейсных спартсменак (Сярэна Уільямс - 124 тыдні, Каралін Вазняцкі - 67 тыдняў).
Перамогі ў турнірах WTA Tour у адзіночным разрадзе
- 2009 — Брысбэйн (Аўстралія)
- 2009 — Мэмфіс (ЗША)
- 2009 — Маямі (ЗША)
- 2010 — Стэнфард (ЗША)
- 2010 — Масква (Расея)
- 2011 — Люксембург (Люксембург)
- 2011 — Марбэлля (Іпанія)
- 2011 — Маямі (ЗША)
- 2012 — Сіднэй (Аўстралія)
- 2012 — Адкрыты чампіянат Аўстраліі (Мельбурн, Аўстралія)
- 2012 - Доха (Катар)
- 2012 - Індыян-Уэлс (ЗША)
- 2012 - Адкрыты чампіянат Кітая (Пякін, КНР)
- 2012 - Лінц (Аўстрыя)
- 2013 — Адкрыты чампіянат Аўстраліі (Мельбурн, Аўстралія)
- 2013 - Доха (Катар)
Літаратура
- Азаренко Виктория // Кто есть кто в Республике Беларусь: Электронный справочник; БДГ on-line. — Эл. ресурс bdg.by
Спасылкі
Вікторыя Фёдараўна Азаранка на Вікісховішчы |
- Профіль на сайце WTA Tour (англ.)
- Персанальная старонка на сайце WTA Tour
- Вікторыя Азаранка на афiцыйным сайце Рэспублiкi Беларусь
- Профіль на сайце ITF (англ.)
- Профіль на сайце Fed Cup (англ.)
- ↑ WTA website
- Нарадзіліся 31 ліпеня
- Нарадзіліся ў 1989 годзе
- Асобы
- Нарадзіліся ў Мінску
- Кавалеры ордэна Айчыны III ступені (Беларусь)
- Спартсмены паводле алфавіта
- Тэнісісты паводле алфавіта
- Карыстальнікі Twitter
- Тэнісісты Беларусі
- Тэнісісты на летніх Алімпійскіх гульнях 2008 года
- Пераможцы Адкрытага чэмпіянату Аўстраліі па тэнісе ў жаночым адзіночным разрадзе
- Пераможцы Адкрытага чэмпіянату Аўстраліі па тэнісе ў адзіночным разрадзе сярод дзяўчын
- Пераможцы Адкрытага чэмпіянату Аўстраліі па тэнісе ў парным разрадзе сярод дзяўчын
- Пераможцы Адкрытага чэмпіянату ЗША па тэнісе ў адзіночным разрадзе сярод дзяўчын
- Пераможцы Адкрытага чэмпіянату ЗША па тэнісе ў змяшаным парным разрадзе
- Пераможцы Адкрытага чэмпіянату Францыі па тэнісе ў парным разрадзе сярод дзяўчын
- Пераможцы Адкрытага чэмпіянату Францыі па тэнісе ў змяшаным парным разрадзе
- Пераможцы Уімблдонскага турніру ў парным разрадзе сярод дзяўчын
- Заслужаныя майстры спорту Рэспублікі Беларусь