Томская вобласць

Томская область
Томская вобласць

герб сцяг
Афіцыйная мова	руская
Тып суб'екту федэрацыі	Вобласць
Федеральная акруга	Сібірская
Эканамічная акруга	Заходне-Сібірская
Сталіца	Томск
Губернатар	Віктар Крэс
Плошча - Усяго - % Вада	16 месца 316 900 км2
Насельніцтва - Усяго (2005) - Шчыльнасць	51 месца 1036,6 тыс. 3,3/км²
Аўтамабільны код	70
Часавы пояс	MSK+3

Томская вобласць, суб'ект Расійскай Федэрацыі, які размешчаны на ўсходзе Заходняй Сібіры. Адміністрацыйны цэнтр — Томск. Створана 13 жніўня 1944 года.

Прырода

Плошча вобласці 316,9 тысяч км² (16-е месца па плошчы сярод суб'ектаў Расійскай Федэрацыі), што складае 1,9 % ад агульнай тэрыторыі Расіі. Працягласць з поўначы на поўдзень — каля 600 км, з захаду на ўсход — 780 км. Такім чынам, па плошчы Томская вобласць прыкладна на 1,5 % больш за Польшчу (і амаль у 40 раз менш за Польшчу па насельніцтве). Томская вобласць мяжуе на поўначы з Цюменскай вобласцю і Ханты-Мансійскай аўтаномнай акругай, на поўдні — з Кемераўскай і Новасібірскай абласцямі, на захадзе — з Омскай вобласцю, на ўсходзе з Краснаярскім краем.

Вялікая частка тэрыторыі вобласці цяжкадаступная, бо ўяўляе сабою тайгу (лясы займаюць 63 % плошчы) і балоты (28,9 %, у прыватнасці самае буйнае ў свеце Васюганскае балота). Самы высокі пункт вобласці — 274 м над узроўнем мора, самы нізкі — 34 м над узроўнем мора. Найбуйнейшае возера — Мірнае (Парабельскі раён), плошча люстэрка 18,3 км².

Клімат рэзка кантынентальны. Галоўная рака — Об, перасякае вобласць па дыяганалі з паўднёвага ўсходу на поўначны захад, дзелячы вобласць на дзве амаль роўныя часткі.

Насельніцтва і гаспадарка

Насельніцтва 1036,5 тыс. чалавек (1.01.2006), з якіх у гарадах пражываюць 68,1 %. Нацыянальны склад: рускія – 88,2%, украінцы – 2,6, татары – 2,1%.

Падзяляецца на 16 раёнаў. Буйнейшыя гарады: Томск, Северск.

Галоўныя галіны прамысловасці – машынабудаванне і металаапрацоўка, лясная і нафтавая. Усе машынабудаўнічыя і металаапрацоўчыя прадпрыемствы сканцэнтраваны галоўным чынам у Томску і часткова ў Колпашава і Северске. Найбуйнейшыя лесазаводы - Магачынскі, Кецкі, Асінаўскі і Томскі. Нафтаздабыча вядзецца ў асноўным на паўночным захадзе і захадзе вобласці, у раёне пас. Аляксандраўскае і басейне р. Васюган. У раёне Томска размешчаны буйны нафтахімічны камбінат.

Сельскагаспадарчыя ўгоддзі займаюць каля 5% тэрыторыі вобласці. Тут у невялікіх колькасцях выгадоўваюць пшаніцу, лён, бульба і гародніна. Разводзяць буйны рагаты скот, свінняў, авечак і коз, хатняй птушку. Развітыя пушная здабыча (вавёрка, собаль, андатра, каланок) і зверагадоўля (серабрыста-чорная лісіца).

Сімволіка

• Герб Томскай вобласці
• Сцяг Томскай вобласці

Некаторыя населеныя пункты

• Горад Томск
• Горад Северск
• Горад Стрэжавы
• Горад Асіна
• Горад Калпашава
• Горад Кедровы
• Пасёлак Кафтанчыкава

Вядомыя асобы

• Інакенцій Смактуноўскі
• Сандра Калніетэ

Спасылкі

• Афіцыйны сайт