Куцеінская друкарня: Розніца паміж версіямі
[дагледжаная версія] | [дагледжаная версія] |
др added Category:Культура Оршы using HotCat |
др Робат перанёс 1 міжмоўных спасылак да аб'екта d:q13031179 на Wikidata |
||
Радок 14: | Радок 14: | ||
[[Катэгорыя:Гісторыя Оршы]] |
[[Катэгорыя:Гісторыя Оршы]] |
||
[[Катэгорыя:Культура Оршы]] |
[[Катэгорыя:Культура Оршы]] |
||
[[be-x-old:Куцеінская друкарня]] |
Версія ад 11:37, 16 мая 2013
Куцеінская друкарня — цэнтр беларускага кірылічнага кнігадрукавання ў XVII ст., дзейнічала ў 1630—1654 пры Куцеінскім Багаяўленскім манастыры ў Оршы. Да 1632 узначальвалася яе заснавальнікам Спірыдонам Собалем, пасля ад'езду якога чатыры гады не працавала.
Потым друкарню ўзначаліў ігумен І. Труцэвіч. Карысталася падтрымкай магілёўскага і аршанскага мяшчанства, выдавала навукова-асветніцкую, царкоўна-палемічную і свецкую літаратуру на царкоўна-славянскай і старабеларускай мовах.
У ёй выдадзены «Брашна духоўнае» (1630), «Малітваслоў», «Буквар» (абодва 1631), «Часаслоў», «Новы запавет і Псалтыр», часткова дадрукаваны кіеўскі «Апостал» (усе 1632). З 1636 выдала яшчэ 14 кніг: «На ойча наш выклад» Іаана Златавуста» (1636), «Гісторыя пра Варлаама і Іасафа» і «Дыдаскалія» С. Косава (абедзве 1637), «Псалтыр» (1642), «Актоіх Іаана Дамаскіна» (1646), «Трэфалагіён» (1647), «Дыёптра» (1651), «Лексікон…» П. Бярынды (1653) і інш. Усяго ў ёй выдадзены дваццаць кніг.
Выданні вылучаліся своасаблівым графічным афармленнем. Распаўсюджваліся на Беларусі, Украіне, у Літве, Расіі. У 1655 друкарскае абсталяванне перавезена ў Іверскі Валдайскі манастыр пад Ноўгарадам, у 1665 — у Васкрасенскі манастыр пад Масквой, у 1676 — на Друкарскі двор (Масква).
Літаратура
- Рэлігія і царква на Беларусі: Энцыкл. давед. / Рэдкал.: Г. П. Пашкоўі інш.; Маст. А. А. Глекаў. — Мн.; БелЭн, 2001. — С. 174. — 368 с.