Юрый Радзівіл (1556—1600)

Юрый Радзівіл
польск.: Jerzy Radziwiłł
Ананімны партрэт (XVII стагоддзе)
Трубы
біскуп Кракаўскі 9 жніўня 1591 — 21 студзеня 1600
Царква	Каталіцкая Царква
Дзейнасць	дыпламат, каталіцкі святар, каталіцкі біскуп
Нараджэнне	31 мая 1556(1556-05-31) Лукішкі пад Вільна Літва
Смерць	21 студзеня 1600(1600-01-21) (43 гады) Рым
Пахаванне	Рым
Дынастыя	Радзівілы
Бацька	Мікалай Хрыстафор Радзівіл «Чорны»
Маці	Елізавета Шыдлавецкая
Прыняцце свяшчэннага сану	10 красавіка 1583
Кардынал з	12 снежня 1583
Медыяфайлы на Вікісховішчы

Юрый РАДЗІВІЛ (Ежы; 31.5.1556, в. Лукішкі, цяпер у межах Вільні — 23.1.1600), царкоўны і дзяржаўны дзеяч Рэчы Паспалітай.

Сын Мікалая Радзівіла ("Чорнага").

Вучыўся ў Лейпцыгскім універсітэце (да 1572); вывучаў філасофію і тэалогію ў Рымскім калегіуме (1575-76). У дзяцінстве выхоўваўся ў кальвінісцкім духу, у 1576 перайшоў у каталіцызм. Каад'ютар (памочнік-намеснік) біскупа В. Пратасевіча (1574-81). Біскуп віленскі (1581-91), атрымаў званне кардынала (1583). Актыўна змагаўся супраць Рэфармацыі, у 1581 упершыню ўвёў у сваёй дыяцэзіі цэнзуру друку, у 1582 на ўласныя сррдкі адкрыў каталіцкую духоўную семінарыю ў Вільні. У 1582-84 адначасова намеснік караля (губернатар) у Інфлянтах, але гэтая пасада была яму ў цяжар. Пасля смерці Стафана Баторыя на элекцыйным сейме 1587 падтрымліваў прадстаўніка аўстрыйскай дынастыі Габсбургаў Максіміліяна, але абраны быў Жыгімонт III Ваза. Пасля збліжэння Жыгімонта III у 1589 з Габсбургамі ўплыў Ю. Радзівіла пры двары зноў вырас. 3 1591 біскуп кракаўскі. Спрыяў шлюбу Жыгімонта III з эрцгерцагіняй з дома Габсбургаў Ганнай (1592). Адзін з бліжэйшых дарадчыкаў караля, у 1596-97 вёў перагаворы пра далучэнне Рэчы Паспалітай да антытурэцкай каталіцкай лігі.

Спасылкі

• Jerzy Radziwiłł (польск.)
• Біяграфія на сайце catholic-hierarchy.org (англ.)
• Біяграфія на сайце mirandas (англ.)