Крымскататарская мова ва Украіне

Доля насельніцтва, якая назвала роднай мовай крымскататарскую паводле перапісу 2001 г.

Доля насельніцтва ў сельсаветах і гарадах Крыма, што ўказала крымскататарскую мову роднай паводле перапісу 2001 г.

Крымскататарская мова ва Украі́не (укр.: Кримськотатарська мова в Україні) — адна з моў нацыянальных меншасцей Украіны, у вялікай ступені распаўсюджаная сярод крымскіх татараў краіны. Пашыраная пераважна ў Аўтаномнай Рэспубліцы Крым. Паводле перапісу насельніцтва 2001 года каля 230 тыс. грамадзян Украіны назвалі крымскататарскую мову роднай, у тым ліку 228373 з 248193 крымскіх татараў (92,0%). Высокі працэнт асоб, якія назвалі роднай мовай крымскататарскую, назіраецца ў сельскіх раёнах Крыма — Белагорскім (29,2%), Кіраўскім (25,5%), Савецкім (22,2%), Джанкойскім (21,6%), Бахчысарайскім (21,3%). У цэлым па Крыму (без Севастопаля) крымскататарскую назвалі роднай мовай 11,3% насельніцтва.

Распаўсюджанасць

Родная мова крымскіх татараў паводле даных перапісаў

мова	1989	2001
Крымскататарская	92,6%	92,0%
Руская	4,0%	6,1%
Украінская	0,2%	0,1%
іншая	3,2%	1,8%

Родная мова крымскіх татараў паводле перапісу 2001
	ўсё насельніцтва	гарадское насельніцтва	сельскае насельніцтва
Крымскататарская	92,0%	89,1%	93,5%
Руская	6,1%	8,5%	4,9%
Украінская	0,1%	0,1%	0,1%
іншая	1,7%	2,3%	1,4%

Спасылкі

• Інтэрактыўная карта распаўсюджанасці крымскататарскай мовы ва Украіне па адміністрацыйна-тэрытарыяльных адзінках (укр.), statistika.in.ua