Юрый Аляксеевіч Вашчук

Юрый Вашчук
Асноўная інфармацыя
Дата нараджэння	24 студзеня 1983(1983-01-24) (41 год)
Месца нараджэння	Мінск, Беларуская ССР, СССР
Краіна	СССР→ Беларусь
Альма-матар	Беларускі дзяржаўны ўніверсітэт культуры і мастацтваў (2008)
Музычная дзейнасць
Прафесіі	спявак, аранжоўнік, кампазітар
Інструменты	вакал
Жанры	поп-музыка
Узнагароды
Медыяфайлы на Вікісховішчы

Юрый Вашчук, сцэн. імя ТЕО (1983, Мінск) — беларускі кампазітар, аранжыроўшчык, спявак.

Музыкай займаецца з 4 гадоў, пачынаў з баяна, быў лаўрэатам конкурсу «Пралескі», удзельнічаў у тэлепраекце «Зорная ростань». Прафесійную музычную адукацыю атрымаў у Гродзенскім каледжы мастацтваў (клас вакалу). У 2000 годзе быў запрошаны на работу ў Нацыянальны акадэмічны канцэртны аркестр Беларусі пад кіраўніцтвам Міхаіла Фінберга. У 2008 годзе скончыў Беларускі дзяржаўны ўніверсітэт культуры і мастацтваў.

Супрацоўнічае з многімі беларускімі і замежнымі выканаўцамі як аранжыроўшчык і кампазітар. З'яўляецца суаўтарам музыкі да двух расійскіх кінафільмаў.

Разам з Аксанай Вечар вядзе на тэлеканале «Беларусь 3» праграму «Наперад у мінулае», дзе аўтары ездзяць па беларускіх рэгіёнах і запісваюць беларускі фальклор. На асобныя песні ствараецца арыгінальная сучасная аранжыроўка ў творчай манеры артыста з выкарыстаннем арыгінальных галасоў. Паралельна ідзе аповяд аб дадзенай мясцовасці — пра народную песенную творчасці, абрады, народныя промыслы. Фіналам праграмы становіцца новая версія народнай песні ў выкананні сучасных артыстаў.

Лаўрэат Нацыянальнай музычнай прэміі. У 2014 выйграў нацыянальны адбор міжнароднага песеннага конкурсу «Еўрабачанні-2014».

Спасылкі

Пяць фактаў пра Тэа... — nn.by