Шыман Марцін Касакоўскі

Сімон Марцін Касакоўскі
польск.: Szymon Marcin Kossakowski
Сімон Марцін Касакоўскі
Герб «Слепаўрон»
25-ы гетман вялікі літоўскі ліпень 1793 — 25 красавіка 1794
Папярэднік	Міхал Казімір Агінскі
26-ы гетман польны літоўскі 25 чэрвеня 1792 — ліпень 1793
Папярэднік	Людвік Тышкевіч
Пераемнік	Юзаф Забела
Нараджэнне	1741(1741) Шылы Ковенскага павета
Смерць	25 красавіка 1794(1794-04-25) Вільня
Род	Касакоўскія
Бацька	Дамінік Касакоўскі
Маці	Марыяна з Забелаў
Жонка	Тэрэза з Патоцкіх
Дзеці	Наталля
Член у	Таргавіцкая канфедэрацыя
Адукацыя	Ковенскі езуіцкі калегіум[d] Кёнігсбергскі ўніверсітэт
Дзейнасць	дыпламат
Прыналежнасць	Расійская імперыя
Званне	генерал-лейтэнант
Узнагароды	Ордэн Белага арла Ордэн Святога Станіслава
Медыяфайлы на Вікісховішчы

Шыман Марцін КАСАКОЎСКІ (1741 — 25 красавіка 1794, Вільня) — палітычны дзеяч Рэчы Паспалітай, польны гетман літоўскі, апошні вялікі гетман літоўскі, удзельнік Барскай і Таргавіцкай канфедэрацый.

Жыццяпіс

Адукацыю атрымаў у езуіцкай калегіі ў Коўна і ў Кёнігсбергскім універсітэце. Спачатку падтрымліваў Станіслава Аўгуста, затым выступіў з рэзкай крытыкай яго на Рэпінскім сойме і далучыўся да Барскай канфедэрацыі. Увосень 1768 г. наступ расійскіх войскаў вымусіў яго выехаць у Прусію. За мяжой праводзіў дзейнасць, накіраваную на звяржэнне Станіслава Аўгуста.

Па вяртанні, камандуючы сіламі канфедэратаў у Вялікім княстве Літоўскім, атрымаў шэраг перамог над расійскімі войскамі. Яго атрад у 4 тысячы чалавек здзейсніў удалы рэйд па Смаленшчыне, затым пераход праз Курляндыю, Прусію і Мазовію ў Вялікую Польшчу.

У 1775 г. памірыўся з каралём і стаў адным з кіраўнікоў прарасійскай групоўкі. У 1790 г. ў чыне генерал-маёра паступіў у расійскае войска і ўдзельнічаў у баявых дзеяннях супраць Турцыі на Балканах. Стаў адным з арганізатараў і кіраўнікоў Таргавіцкай канфедэрацыі. У 1792 г. расійскі корпус пад яго камандаваннем пачаў наступ на тэрыторыю Рэчы Паспалітай з боку Полацка. Ва ўзятай расійскімі войскамі ў студзені 1792 г. Вільні абвясціў сябе польным гетманам літоўскім. У 1793 г. стаў вялікім гетманам літоўскім.

Падчас паўстання 1794 г. быў арыштаваны паўстанцамі і павешаны на Ратушнай плошчы ў Вільні.

У Сеціве

• Knyga apie Simoną Kosakovskį
• Knygos apie Simoną Kosakovskį pristatymas