Клуб Сяргея Алейнікава

Клуб Сяргея Алейнікава – адзін з трох ганаровых клубаў, заснаваны рэдакцыяй газеты “Прессбол” (разам з клубам бамбардзіраў і клубам "сухіх" варатароў). Уключае футбалістаў, якія сыгралі 500 і больш матчаў на вышэйшым узроўні. Названы ў гонар выбітнага айчыннага футбаліста Сяргея Алейнікава, які першы сыграў гэту колькасць матчаў у прафесійным футболе.

Умовы ўключэння

У клуб уключаюцца футбалісты, якія сыгралі 500 і больш матчаў у: 1) вышэйшых лігах (дывізіёны 1) чэмпіянатаў Беларусі, СССР і замежных краін; 2) у розыгрышах Кубкаў Беларусі, СССР і іншых краін на ўсіх стадыях (у Англіі, Францыі і Японіі — яшчэ і ў Кубках ліг); 3) у складзе нацыянальнай, алімпійскай і маладзёжнай зборных Беларусі і СССР; 4) у еўрапейскіх клубных кубкавых турнірах (Кубак чемпіёнаў/Ліга чэмпіёнаў, Кубак УЕФА/Лігі Еўропы УЕФА, Кубку кубкаў і Кубак Інтэртота) у складзе беларускіх (з 1992 года), савецкіх (да 1992 года) і замежных клубаў; 5) у Суперкубках Беларусі, СССР і іншых краін.

Склад клуба

На 13 мая 2014 года ў клуб уваходзяць:

• Дзмітрый Ліхтаровіч (625 матчаў)
• Сяргей Гурэнка (612)
• Аляксандр Юрэвіч (601)
• Аляксандр Глеб (595)
• Аляксандр Кульчы (578)
• Валянцін Бялькевіч (576)
• Сяргей Алейнікаў (554)
• Андрэй Зыгмантовіч (517)
• Раман Васілюк (500)

Бліжэйшым кандыдатам на ўступленне з'яўляецца Андрэй Лявончык – 477 матчаў.

У сеціве

• Клуб Сергея Алейникова. Их цель — курс “500” http://www.pressball.by/articles/football/others/80390