Вішнева (Валожынскі раён)

Вёска Вішнева Касцёл Найсв.Панны Марыі (1641) ў Вішневе Краіна Беларусь Вобласць Мінская Раён Валожынскі Каардынаты 54°08′ пн. ш. 26°14′ у. д. Вышыня цэнтра 250 м і 158 м Насельніцтва ▼417 чал. (2009) Часавы пояс UTC+3 Тэлефонны код +375 1772 Паштовы індэкс 222343 Аўтамабільны код 5 СААТА 6220813026 Вішнева на карце Беларусі ±

Вішнева на Вікісховішчы

Ві́шнеў, Ві́шнева (польск.: Wiszniew) — вёска ў Валожынскім раёне Мінскай вобласці, у 18 км на захад ад Валожына, на левым беразе ракі Гальшанка. З'яўляецца цэнтрам Вішнеўскага сельсавета.

Гісторыя

У часы Рэчы Паспалітай мястэчка знаходзілася ў Ашмянскім павеце Віленскага ваяводства.

У час Першай сусветнай вайны праз Вішнева праходзіла ўмацаваная нямецкая лінія абароны. Жыхары былі выселены, мястэчка знішчана артылерыяй да апошняй хаты. Знамянальна, што ў касцёл і царкву, пабудаваных на самых высокіх месцах, не трапіў ніводзін снарад.

Польская школа ў Вішневе, 1939 год

У 1921—1939 гадах мястэчка ўваходзіла ў Польскую Рэспубліку, у Валожынскі павет Навагрудскага ваяводства, з'яўлялася цэнтрам гміны. У ноч з 18 на 19 ліпеня 1924 года на мястэчка здзейсніла грабежніцкі напад бальшавіцкая дыверсійная група.

Колькасць насельніцтва гэтага мястэчка складала ў 1907 годзе 2650 жыхароў, з якіх 1863 — яўрэі. Асноўная частка іх пазней эмігравала альбо была знішчаная нацыстамі, якія 30 жніўня 1942 года забілі 1100 яўрэяў. Пра гэту трагедыю нагадвае мемарыяльны камень.

Інфармацыя для турыстаў

Славутасці

• Касцёл Найсвяцейшай Дзевы Марыі (1637—1641).
• Могілкі яўрэйскія.
• Могілкі старыя хрысціянскія.
• Сядзіба Храптовічаў (пач. ХХ ст.).
• Царква Св. Казьмы і Дзям'яна (1865).

Вядомыя ўраджэнцы

• Нахум Гольдман — грамадскі дзеяч, адзін з лідараў сіянісцкага руху, заснавальнік і старшыня Сусветнага яўрэйскага кангрэса.
• Уладзіслава Луцэвіч — беларуская літаратуразнаўца, жонка Янкі Купалы.
• Шымон Перэс — вядомы ізраільскі палітык, прэзідэнт Ізраіля і лаўрэат Нобелеўскай прэміі міру 1994 года. З'ехаў з Вішнева са сваёй сям'ёй у 1934 годзе.

Вядомыя жыхары

• Сымон Будны — дзеяч беларускай культуры, гуманіст, філосаф, асветнік, гісторык Вялікага Княства Літоўскага. Актыўны ўдзельнік рэфармацыйнага руху, адзін з заснавальнікаў навуковай крытыкі Бібліі.
• Канстанцыя Буйло — беларуская паэтэса.

Спасылкі

• Здымкі на Radzima.org
• Месцазнаходжанне (англ.)
• Падзеі ў Вішневе падчас Другой сусветнай вайны (англ.)
• Гістарычныя падзеі (англ.)
• Сведка падзей у Вішневе (англ.)
• Фотаздымкі яўрэйскай абшчыны (англ.)