Мышанка (рака)

Мышанка
Характарыстыка
Даўжыня	109 км км
Басейн	930 км²
Расход вады	4,9 м³/с
Вадацёк
Выток
• Каардынаты	53°16′44″ пн. ш. 25°55′27″ у. д.
Вусце	Рака Шчара
• Каардынаты	52°48′45″ пн. ш. 25°45′50″ у. д.
Размяшчэнне
Водная сістэма	Шчара → Нёман → Балтыйскае мора
Краіна	Беларусь
— выток, — вусце
Медыяфайлы на Вікісховішчы

МЫШАНКА, Міша — рака ў Брэсцкай вобласці Беларусі, правы прыток Шчары (басейн Нёмана). Даўжыня 109 км. Вадазбор 930 км². Сярэднегадавы расход вады ў вусці 4,9 м³/с. Сярэдні нахіл воднай паверхні 0,7 ‰. Асноўныя прытокі: Малатоўка, Мутвіца; прымае сцёк з меліярацыйных каналаў.

Пачынаецца на паўднёвых схілах Навагрудскага ўзвышша каля в. Буйнявічы Баранавіцкага раёна, цячэ па Баранавіцкай раўніне, упадае ў Шчару за 1 км на паўднёвы захад ад в. Сельцы Івацэвіцкага раёна. Замярзае ў сярэдзіне снежня, крыгалом у сярэдзіне сакавіка. Каля вёсак Белалессе, Магіляны і Жалезніца створаны сажалкі (пл. 0,06 км², 0,7 км² і 0,04 км²).

Даліна пераважна трапецападобная, шырынёй 500—800 м. Пойма двухбаковая, месцамі забалочаная, шырынёй 400—600 м. Рэчышча ад в. Агароднікі да в. Новая Мыш (16 км) каналізаванае, на астатнім працягу моцназвілістае; шырыня яго 10—12 м, у ніжнім цячэнні месцамі да 40 м.

Літаратура

• Ресурсы поверхностных вод СССР. Описание рек и озёр и расчёты основных характеристик их режима. Т. 5. Белоруссия и Верхнее Поднепровье. Ч. 1–2. – Л., 1971.
• Природа Белоруссии: Попул. энцикл. / БелСЭ; Редкол.: И. П. Шамякин (гл. ред.) и др. — Мн.: БелСЭ, 1986. — 599 с., 40 л. ил. (руск.)
• Блакітная кніга Беларусі : Энцыклапедыя / рэдкал.: Н. А. Дзісько і інш. — Мн.: БелЭн, 1994. — 415 с. — 10 000 экз. — ISBN 5-85700-133-1.