Мадэйра

Мадэйра
Região Autónoma da Madeira

Сцяг Мадэйры Герб Мадэйры
Дэвіз: «Das ilhas, as mais belas e livres»   (Партугальская) «З усіх астравоў, самыя прыгожыя і свабодныя»»
Дзяржаўны гімн Мадэйры
Заснавана	1420
Афіцыйная мова	партугальская
Сталіца	Фуншал
Форма кіравання	Аўтаномная правінцыя
Прэзідэнт	Альберта Жуаа Жардзінь, СДП
Плошча • Усяго	801 км²
Насельніцтва • Ацэнка (2008) • Шчыльнасць	247,161 ▲ чал. 308.5 чал./км²
Валюта	Еўра (€)1
Тэлефонны код	+351 291
Часавыя паясы	Заходнееўрапейскі час
Да 2002: Партугальскі эскуда

Мадэ́йра (парт.: Madeira) — востраў і архіпелаг, размешчаны ў паўночнай частцы Атлантычнага акіяна. З'яўляецца аўтаномным рэгіёнам Партугаліі.

Гісторыя

Востраў была адкрытая яшчэ фінікійцамі, але не была заселена. Засяленне пачалося пасля партугальскіх экспедыцый у 1418 і 1420 гг. У гэтыя гады тут з'явіліся плантацыі цукровага трыснёгу.

З 1580 да 1640 гг. Мадэйра, разам з усёй Партугаліяй уваходзіла ў склад Іспаніі. У 1801 і з 1807 да 1814 гг. знаходзілася пад брытанскай уладай.

У 1922 годзе на Мадэйры правёў апошнія месяцы свайго жыцця Карл I Габсбург апошні кароль Аўстра-Венгрыі.

У 1976 годзе Мадэйра атрымала статус аўтаномнага рэгіёна.

Геаграфія

Архіпелаг мае вулканічнае паходжанне, знаходзіцца недалёка ад паўночнага ўзбярэжжа Афрыкі, на поўнач ад Канарскіх астравоў. Архіпелаг утрымлівае астравы Мадэйра (741 км²), Порта Санта (42,5 км²) і некалькі меншых астравоў. Агульная плошча складае 894 км².

Паверхня астравоў гарыстая. Самая высокая кропка гэта Піку Руйву на востраве Мадэйра (1861 м).

На астравах вырошчваюцца вінаград, цукровы трыснёг, садавіна і гародніна. Развіццё атрымала і рыбная лоўля. Сусветную вядомасць атрымалі віны Мадэйры. Астравы з'яўляюцца вельмі прыцягальнымі для турыстаў.

Клімат трапічны, мяккі. Сярэдняя тэмпература вагаецца ад 16 °C да 22 °C. Паверхня астравоў пакрытая трапічнымі лясамі (трапічныя лясы Мадэйры ўнесеныя ў Спіс Сусветнай Спадчыны ЮНЕСКА).

Зноскі

• На Вікісховішчы ёсць медыяфайлы па тэме Мадэйра