Сцяг Саксоніі

Свабодная дзяржава Саксонія
Германія
Маленькі чорна-белы вексілалагічны сімвал або піктаграма, якае паказвае розныя выкарыстанні сцяга Грамадзянскі сцяг
Зацверджаны	1815, 1920, 1947, 1991
Прапорцыя	3:5, таксама 1:2

Сцяг Саксоніі (ням.: Flagge Sachsens) — адзін з сімвалаў федэральнай зямлі Свабодная дзяржава Саксонія.

Сцяг уяўляе сабой прамавугольнае палотнішча з дзвюх роўнавялікіх гарызантальных палос: верхняй — белага і ніжняй — зялёнага колеру. Другі варыянт — у цэнтры сцяга размешчаны герб Саксоніі. Прапорцыі палотнішча — 3:5, часам выкарыстоўваюцца і адносіны бакоў 1:2.

Бела-зялёны сцяг выкарыстоўваўся як сцяг каралеўства Саксонія ў 1815—1918 гг, а пасля да 1934—1935 гг у якасці сцяга Свабоднай дзяржавы Саксонія (афіцыйна зацверджаны ў 1920 годзе). У часы Трэцяга Рэйха сцяг быў фармальна адменены. Зноў ён быў зацверджаны ў 1947 годзе, хоць неафіцыйна выкарыстоўваўся ўжо пасля капітуляцыі Германіі да 1952 года. Пасля ўваходжання Германскай Дэмакратычнай Рэспублікі ў склад Федэратыўнай Рэспублікі Германія, у 1991 годзе ў якасці афіцыйнага сімвала быў прыняты таксама і варыянт сцяга з гербам.

Цікавыя факты

• Сцяг Саксоніі супадае з сцягам Штырыі, федэральнай зямлі Аўстрыі.

Спасылкі

• На Вікісховішчы ёсць медыяфайлы па тэме Сцяг Саксоніі