Ян Каханоўскі з Чарналесся

Корвін, герб Яна Каханоўскага

Ян Каханоўскі (польск.: Jan Kochanowski; 6 чэрвеня 1530 — 22 жніўня 1584, Люблін) — польскі паэт эпохі Адраджэння.

Пісаў на польскай і лацінскай мовах.

Творчасць Яна Каханоўскага высока ставілі Мацей Сарбеўскі (XVII ст.) і Мануіл Базілевіч (XVIII ст.). Яго вершаваны Псалтыр стаў непасрэдным штуршком для «Псалтыри рифмотворной» Сімяона Полацкага (1678). Паэзія Яна Каханоўскага яшчэ пры жыцці пісьменніка была вядомай на землях Беларусі. Найбольш вядомы сярод іх - гімн «Чаго хочаш ад нас, Пане…», надрукаваны ў Нясвіжскай друкарні. Беларускія рэаліі ўзноўленыя пісьменнікам у творы «Узяцце Полацка», а таксама ў вершах, прысвечаных беларускім магнатам Мікалаю Радзівілу Чорнаму, яго жонцы Эльжбеце, КрыштофуРадзівілу.

Творы

• «Шахматы»: паэма («Szachy», 1562—1566)
• «Згода»: паэма («Zgoda», 1564)
• «Сатыр або дзікі муж»: паэма («Satyr albo dziki mąż», 1564)
• «Святаянская песня пра Купалле» («Pieśń świętojańska o Sobótce», 1575)
• «Адмова грэцкім паслам»: драма («Odprawa posłów greckich», 1578)
• «Псалтыр»: паэтычны пераклад «Псалмоў Давіда» («Psałterz Dawidów», выд. 1579), перакладаўся С. Полацкім
• «Трэны»: цыкл элегій («Treny», 1580)
• «Фрашкі»: зборнік паэзіі («Fraszki», 1584)
• «Песні»: зборнік паэзіі («Pieśni», выд. 1586)

Беларускія пераклады

• «Трэны» / Перакл. А. Брусевіча (Тэрмапілы № 14, Беласток, 2010)

Літаратура

• Беларуская энцыклапедыя. Т. 8. — Мн., 1999.