Бераставіцкі раён: Розніца паміж версіямі
[дагледжаная версія] | [дагледжаная версія] |
→Выбітныя асобы: афармленне |
др added Category:Адміністрацыйны падзел Гродзенскай вобласці using HotCat |
||
Радок 116: | Радок 116: | ||
[[Катэгорыя:Бераставіцкі раён|*]] |
[[Катэгорыя:Бераставіцкі раён|*]] |
||
[[Катэгорыя:Адміністрацыйны падзел Гродзенскай вобласці]] |
Версія ад 22:39, 14 ліпеня 2015
Бераставіцкі раён | |||||
---|---|---|---|---|---|
|
|||||
Краіна | Беларусь | ||||
Уваходзіць у | Гродзенская вобласць | ||||
Адміністрацыйны цэнтр | Вялікая Бераставіца | ||||
Дата ўтварэння | 20 верасня 1944 | ||||
Кіраўнік | Антон Станіслававіч Кулісевіч[1] | ||||
Афіцыйныя мовы |
Родная мова: беларуская 73,57 %, руская 21,23 % Размаўляюць дома: беларуская 60,03 %, руская 35,82 %[2] |
||||
Насельніцтва (2009) |
18 017 чал.[2] (17-е месца) | ||||
Шчыльнасць | 24,23 чал./км² (9-е месца) | ||||
Нацыянальны склад |
беларусы — 70,04 %, палякі — 21,69 %, рускія — 5,77 %, украінцы — 1,24 %, іншыя — 1,26 %[2] |
||||
Плошча |
743,58[3] (17-е месца) |
||||
Вышыня над узроўнем мора |
193 м[4] | ||||
Афіцыйны сайт | |||||
Медыяфайлы на Вікісховішчы |
Бераставіцкі раён — адміністраыцыйная адзінка ў складзе Гродзенскай вобласці. Плошча 0,9 тыс. км². У 1991 у раёне налічвалася 129 населеных пунктаў, у тым ліку рабочы пасёлак Пагранічны, 7 сельсаветаў:Алекшыцкі, Кватарскі, Канюхоўскі, Макаравіцкі, Малабераставіцкі, Пархімаўскі, Эйсмантаўскі. З поўначы на поўдзень праходзіць аўтадарога Гродна-Пагранічны-Беласток.
Прырода
Тэрыторыя раёна размешчана ў межах паўднёвага адгалінавання Беларускай грады. Большую частку раёна займае Ваўкавыскае ўзвышша, на поўначы частка Нёманскай нізіны, на паўночным захадзе ўскраіна Гродзенскага ўзвышша. Пераважае вышыня 160 - 200 метраў над узроўнем мора. Самы высокі пункт - 212 метраў (на поўначы раёна, Магілянская града).
Карысныя выкапні: гліны, торф, будаўнічыя пяскі.
Сярэдняя тэмпература студзеня -5 градусаў па шкале Цэльсія, ліпеня 18 градусаў па шкале Цэльсія. Ападкаў выпадае 560 мм у год. Вегетацыйны перыяд - 200 сутак.
Працякае рака Свіслач з прытокамі Верацёйка, Бераставічанка, Уснарка, Одла. Пераважаюць лясы хваёвыя, яловыя, сустракаюцца бярозавыя, дубовыя, грабавыя. Лясы займаюць 15% тэрыторыі раёна. Глебы пераважна дзярнова-падзолістыя. Балоты займаюць 7,6 % плошчы раёна.
Гісторыя
Утвораны 20.9.1944 пасля перайменавання Крымкаўскага раёна. Цэнтр - гарадскі пасёлак Вялікая Бераставіца. У другую сусветную вайну ў чэрвені 1941 тэрыторыя раёна акупавана нямецка-фашыстскімі захопнікамі, якія знішчылі больш за 600 чалавек. У раёне дзейнічалі Крынаўскі падпольны райком ЛКСМБ і 550-ы партызанскі атрад. Берастовіцкі раён заняты савецкімі войскамі ў ліпені 1944 у ходзе Беластоцкай аперацыі 1944. У 1944 заходняя частка раёна перададзена Польшчы.
Насельніцтва
- 1969 — 26 тыс.
- 2006 — 19,7 тыс.
Гаспадарка
Асноўнае месца ў гаспадарцы раёна займае сельска-гаспадарчая вытворчасць. Агульная плошча сельгасугоддзяў складае 50 869 га, з іх 7656 га асушана. Пад сельскагаспадарчымі ўгоддзямі знаходзіцца 60,9 % тэрыторыі раёна. Развіта мяса-малочная жывёлагадоўля (СВК "Алекшыцы"), свінагадоўля (СВК "Цецяроўка", імя Варанецкага), птушкагадоўля (ААТ "Бераставіцкая птушкафабрыка"); у раёне вырошчваюць цукровыя буракі, збожжавыя і кармавыя культуры, бульбу, агародніну.
Бераставіцкі раён на працягу 2013-2014 гг. трымаў 1-ае месца ў вобласці і 3-яе месца ў краіне па ўраджайнасці збожжавых і зернебабовых культур (64,7 цэнтнераў з гектара ў 2014 г.)[5].
Прадпрыемствы па перапрацоўцы сельскагаспадарчай сыравіны прадстаўлены:
- філіялам ААТ "Гродна Малкамбінат"
- Бераставіцкім масласырзаводам
- АСП "Айцоўскі спіртзавод".
Адукацыя і культура
У раёне Малабераставіцкае прафесійна-тэхнічнае вучылішча № 195 перапрацоўчай прамысловасці і Бераставіцкае прафесійна-тэхнічнае вучылішча № 194 сельскагаспадарчай вытворчасці, 8 сярэдніх, 4 базавыя, 2 дзіцяча-юнацкія спартыўныя школы, 1 музычная школа і 2 школы мастацтваў, 11 дашкольных і 18 клубных устаноў, 9 кінаўстановак, 23 бібліятэкі, дом-інтэрнат для інвалідаў і састарэлых (в. Макараўцы), 3 бальніцы, 4 урачэбныя амбулаторыі, 11 фельчарска-акушэрскіх пунктаў. Школьныя краязнаўчыя музеі: у в. Малая Бераставіца, у в. Кватары, у в. Макараўцы, гісторыка-этнаграфічны ў ПТВ-195 (в. Муравана), гісторыка-краязнаўчы ў ПТВ-194 (г.п. В.Бераставіца). Выдаецца раённая «Бераставіцкая газета».
Помнікі
У раёне знаходзіцца магіла пагранічніка І. Н. Анохіна (в. Цецяроўка), помнікі землякам, якія загінулі падчас Другой сусветнай вайны, савецкім воінам і землякам (в. Канюхі), партызанам (в. Ёдзічы), на месцы гібелі падпольшчыкаў В. Соламавай і В. Бабіча (в. Жорнаўка).
Помнікі архітэктуры на тэрыторыі раёна:
- царква 1871 г. (в. Алекшыцы),
- касцёл Яна Непамука XIX - пач. XX стст. (в. Вялікія Эйсманты),
- царква 1860 г. (в. Гарбачы),
- капліца пач. XX ст. (в. Глебавічы),
- царква пач. XX ст. (в. Грыцавічы),
- Крыжаўзвіжанская царква 1885 г. (в. Клепачы),
- сядзіба 1848 г. (в. Лішкі),
- Крыжаўзвіжанскі касцёл канца XVIII ст. (в. Макараўцы),
- Дзімітраўская царква 1866 г.,
- касцёл пач. XIX ст.,
- сядзібны дом 1912 г. (в. Малая Бераставіца),
- царква Нараджэння Багародзіцы 1796 г.,
- сядзіба канца XVIII - 1-ай паловы XIX стст. (в. Масаляны) і інш.
Выбітныя асобы
Асобы, якія маюць дачыненне да Бераставіччыны ў яе сучасных межах:
- А. Каваленя — беларускі археолаг
- К. Каліноўскі — беларускі грамадска-палітычны дзеяч
- Павел Валынцэвіч (1875—1962) — фотамастак, святар[6].
Літаратура
Энцыклапедыя гісторыі Беларусі. У 6 т. Т. 2: Беліцк — Гімн / Рэдкал.: Б. І. Сачанка (гал. рэд.) і інш.; Маст. Э. Э. Жакевіч. — Мн. : БелЭн, 1994. — 20 000 экз. — ISBN 5-85700-142-0.
У Сеціве
Зноскі
- ↑ http://berestovitsa.grodno-region.by/ru/biography_kuli-ru/
- ↑ а б в Вынікі перапісу 2009 года
- ↑ «Дзяржаўны зямельны кадастр Рэспублікі Беларусь» (па стане на 1 студзеня 2011 г.)
- ↑ GeoNames — 2005. Праверана 9 ліпеня 2017.
- ↑ "Карта ўраджайнасці Беларусі за 2014 год". Наша Ніва. 27 снежня 2014. Праверана 2014-12-27.
- ↑ "Валынцэвіч Павел". Рэгіянальная газета. 18 кастрычніка 2011. Праверана 2014-12-27.