Драсён птушыны

Драсён птушыны, спары́ш (Polýgonum aviculáre) — аднагадовая травяністая расліна роду Драсён (Polygonum).

Ілюстрацыя з кнігі Deutschlands Flora in Abbildungen

Распаўсюджаны ва ўмераных і паўночных раёнах Еўразіі.

Расліны вышынёй да 80 см. Сцябло сцелістае або прыўзнятае, зрэдку прамастойнае, разгалінаванае ад нізу. Лісце дробнае, чаргаванае, на кароткіх чаранках. Кветкі дробныя, у пучках па 2-5, размешчаныя ў пазухах лісця. калякветнікі бледна-зялёныя, белыя або ружаватыя па краях. Плод — трохгранны арэшак. Цвіце ў чэрвені—кастрычніку.

Лекавая і кармавая расліна. Расце ўздоўж дарог, на пустках, выганах, каля жылля.

Літаратура

• Мазан І. П. Спарыш, драсён птушыны // Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал.: І. П. Шамякін (гал. рэд.) і інш.. — Мн.: БелСЭ, 1985. — Т. 4. — С. 579. — 599 с. — 10 000 экз.

Спасылкі

• Горец птичий, или Спорыш — Polygonum aviculare L. s. l. // Экологический центр «Экосистема»™ (руск.)
• Інфармацыя на сайце Germplasm Resources Information Network (GRIN) (англ.)
• На Вікісховішчы ёсць медыяфайлы па тэме Драсён птушыны