Барыс Уладзіміравіч Святлоў

Барыс Уладзіміравіч Святлоў
Міністр культуры Рэспублікі Беларусь з 10 снежня 2012
Прэзідэнт	Аляксандр Лукашэнка
Кіраўнік урада	Міхаіл Мясніковіч
Папярэднік	Павел Латушка
Рэктар Беларускага Дзяржаўнага Універсітэта Культуры і мастацтваў 30 лістапада 2007 — 10 снежня 2012
Папярэднік	Ядвіга Грыгаровіч
Пераемнік	Юрый Бондар
Нараджэнне	28 лютага 1958(1958-02-28) (66 гадоў) Мінск, БССР, СССР
Адукацыя	Беларускі дзяржаўны ўніверсітэт
Месца працы	Беларускі дзяржаўны ўніверсітэт культуры і мастацтваў

Барыс Уладзіміравіч Святлоў (28 лютага 1958, Мінск, БССР, СССР) — беларускі грамадскі і дзяржаўны дзеяч. Рэктар Беларускага Дзяржаўнага Універсітэта Культуры і мастацтваў (2008-2012), міністр культуры Рэспублікі Беларусь з 10 снежня 2012 года.

Біяграфія

Барыс Уладзіміравіч нарадзіўся ў 1958 годзе ў Мінску. У 1980 годзе скончыў Беларускі дзяржаўны ўніверсітэт імя У.І. Леніна.

У 1980—1989 гадах — старшы лабарант, малодшы навуковы супрацоўнік Інстытута мастацтвазнаўства, этнаграфіі і фальклору Акадэміі навук БССР. У 1989—1990 гадах — член рэдакцыйнай калегіі кіравання мастацтваў Міністэрства культуры БССР. У 1990—1991 гадах — памочнік міністра культуры БССР.

У 1991—1994 гадах — намеснік міністра культуры Рэспублікі Беларусь.

З мая 1994 года па снежань 1994 года — начальнік аддзела кінавідэамастацтва Міністэрства культуры і друку Рэспублікі Беларусь.

Са студзеня 1995 года па жнівень 1995 года — намеснік дырэктара фінансава-інвестыцыйнай кампаніі «Фінансы і актывы».

У 1995—1998 гадах — намеснік дырэктара, дырэктар Фонду падтрымкі беларускай культуры.

У 1998—2003 гадах — начальнік аддзела кінавідэапрадукцыі, начальнік аддзела арганізацыі інфармацыі, намеснік дырэктара дзяржаўнай установы «Нацыянальны прэс-цэнтр Рэспублікі Беларусь».

У 2003—2008 гадах — рэктар прыватнай установы адукацыі «Інстытут парламентарызму і прадпрымальніцтва».

У 2008—2012 гадах — рэктар установы адукацыі «Беларускі дзяржаўны ўніверсітэт культуры і мастацтваў».

Літаратура

• Молодежь Беларуси на современном этапе: состояние, проблемы и пути их решения / [авторский коллектив: Шпак Н. С. и др.]. — Минск, 2004.
• Чалавек і грамадства : энцыклапедычны даведнік / [У. Л. Абушэнка і інш.]. — Мінск, 1998.
• Белорусское кино : персоналии. — Минск, 2007. (Биография.)