Дэнгафы

Дэнгафы
Герб «Дзік»
Апісанне герба: гл. тэкст
Тытул	Графы, князі
Губерні, у РК якіх занесены род	Віленская
Падданства	Свяшчэнная Рымская імперыя Каралеўства Прусія Курляндыя і Семігалія Рэч Паспалітая Царства Польскае Расійская імперыя
Медыяфайлы на Вікісховішчы

Дэнгафы (ням.: Dönhoff, польск.: Denhoff, Doenhoff, Donhoff, Dzik, Wieprzowa Głowa) — шляхецкі род уласнага герба «Дзік».

Адбываецца з графства Марк ў Вестфаліі, адкуль рыцар Герман Дэнгаф перасяліўся ў Інфлянты ў 1320 годзе. У пачатку XVII стагоддзя Дэнгафы атрымалі ў падданства Рэчы Паспалітай. Адна галіна іх існавала ў канцы XIX стагоддзя ў Паўночна-Заходнім краі і ўнесена ў I частку радаводнай кнігі Віленскай губерні.

Іншая галіна мела прускае падданства і жыла ва Усходняй Прусіі.

Вядомыя прадстаўнікі роду

• Эрнэст Магнус Дэнгаф (1581—1642) — кашталян і ваявода парнаўскі, староста фялінскі і цяльшайскі.
• Герард Дэнгаф (1590—1648) — кашталян гданьскі (1642), ваявода паморскі (1643—1648), падскарбі Прускай зямлі (1643), маршалак двара каралевы (1645), староста і эканом мальбаркскі.
• Тэадор Дэнгаф (? — 1684), падстолі і крайчы вялікі літоўскі, затым падскарбі надворны літоўскі і падкаморы вялікі каронны.
• Уладзіслаў Дэнгаф (1639—1683) — граф Свяшчэннай Рымскай імперыі, камандуючы каралеўскай гвардыі, ваявода паморскі, сенатар.
• Зыгмунд Віктар Дэнгаф (пам. 1694) — падкаморы вялюньскі (1683), падскарбі надворны літоўскі (1693).
• Станіслаў Эрнэст Дэнгаф (1673—1728) — гетман польны літоўскі, ваявода полацкі, староста мазырскі.
• Ежы Альбрэхт Дэнгаф (1640—1702) — біскуп камянецкі, пшамысльскі і кракаўскі, канцлер вялікі каронны (1688—1702)
• Ян Казімір Дэнгаф (1649—1697) — рэзідэнт у Рыме (1682), кардынал (1686), біскуп чэзенскі (1688)
• Багуслаў Эрнэст Дэнгаф (? — 1734) — падкаморы вялікі літоўскі (1702), генерал літоўскай артылерыі (1710—1725)
• Сафія фон Дэнгаф (1768—1834) — марганатычная жонка караля Прусіі Фрыдрыха Вільгельма II.
• Аўгуст Карл граф фон Дзёнгаф-Фрыдрыхштайн (1845—1920) — прускі палітычны дзеяч, дыпламат.
• Марыён фон Дзёнгаф (1909—2002) — графіня, журналіст, публіцыст, «гранд-дама палітычнай журналістыкі ФРГ».
• Аляксандр фон Дэнгаф (1683—1742) — прускі генерал, прыдворны караля Фрыдрыха-Вільгельма I, продак Марыён Дэнгаф.

Літаратура

• Денгоф // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.
• Шаблон:Кніга:Gajl T.: Polish Armorial Middle Ages to 20th Century

Спасылкі

• На Вікісховішчы ёсць медыяфайлы па тэме Дэнгафы
• Дэнгафы на сайце Электронная энцыклапедыя «Вялікае Княства Літоўскае»