Беларуская сацыял-дэмакратычная партыя (Народная Грамада)

Беларуская сацыял-дэмакратычная партыя (Народная Грамада)
Лідар	Мікалай Віктаравіч Статкевіч
Дата заснавання	29 чэрвеня 1996
Дата роспуску	2005
Штаб-кватэра	Мінск
Краіна	Беларусь
Ідэалогія	сацыял-дэмакратыя
Інтэрнацыянал	Прагрэсіўны альянс Сацыялістычны інтэрнацыянал
Колькасць членаў	4 076
Сайт	bsdpng.org

Беларуская сацыял-дэмакратычная партыя (Народная Грамада) — незарэгістраваная беларуская палітычная партыя, створаная шляхам аб'яднаньня БСДГ і Сацыял-дэмакратычнай партыі Народнай згоды 29 чэрвеня 1996 г. БСДП (НГ) пасля аб'яднання з Партыяй народнай згоды падкрэсліла сваю левацэнтрысцкую платформу. У праграму партыі быў уключаны раздзел аб адрозненнях дэмакратычнага сацыялізму ад іншых палітычных плыняў і раздзел «Чаго мы хочам?». Астатнія раздзелы ў асноўным паўтараюць палажэнні праграмы «Крок за крокам», якая была прынята ў снежні 1992 г.

У пачатку 2005 г. партыя была пазбаўлена рэгістрацыі, калі ўлады палічылі, што пераабранне лідэра партыі Мікалая Статкевіча прайшло з парушэннямі. Частка членаў партыі стварыла партыю Беларуская сацыял-дэмакратычная партыя (Грамада), якая атрымала рэгістрацыю.

На парламенцкіх выбарах 13—17 кастрычніка 2004 г., партыя ўваходзіла ў Еўрапейскую кааліцыю «Свабодная Беларусь», аднак не атрымала мандатаў у парламенце.

На выбарах ў мясцовыя Саветы дэпутатаў БСДП(НГ) партыя атрымала 11 раённых і сельскіх дэпутацкіх мандататаў у Смаргоні (Ірына Вештард), Верхнядзвінску (Валянціна Кудлацкая), Уздзе (Віктар Крываль) і ў Дзяржынску (Уладзімір Мішура).

15 студзеня 2005 г. на ІХ нечарговым з'ездзе БСДП(НГ) старшынёй партыі быў абраны Анатоль Ляўковіч.

Восенью 2007 г. прайшла першая сэсія ўстаноўчага з'езду Беларускай сацыял-дэмакратычнай партыі (Народная Грамада).

9 студзеня 2011 г. С. Кулевіч ад імя аргкамітэта па стварэнню партыі БСДП(НГ) падпісася пад Дэкларацыяй аб стварэнні Нацыянальнай каардынацыйнай Рады дэмакратычнай апазіцыі..