Павел Трацяк

Павел Трацяк
Дата нараджэння	1 мая 1974(1974-05-01) (49 гадоў)
Месца нараджэння	Гродна, Гродзенская вобласць, БССР, СССР
Альма-матар	Беларуская дзяржаўная акадэмія музыкі
Музычная дзейнасць
Прафесіі	музыкант, гітарыст
Інструменты	гітара

Павел Трацяк (1 мая 1974, Гродна) — музыка, гітарыст, удзельнік гурта «J:морс». З 2014 года гітарыст гурта «Brutto».

Біяграфія

У 1994 годзе скончыў Гродзенскае музычнае вучылішча па класе гітары. У 1999 — Беларускую дзяржаўную кансерваторыю па класе гітары. З 1999 па 2002 год працаваў выкладчыкам.

На сцэне пачаў выступаць яшчэ ў школе. Дэбютаваў на сур'ёзным узроўні ў якасці гітарыста гурту «Мантана» (2000—2002 гг.), куды яго прывёў на замену сабе Раман Арлоў. Там жа граў Дзяніс Варанцоў.

З групай «J:морс» Трацяк пачаў супрацоўнічаць у якасці сесійнага музыкі яшчэ ў 2005 годзе, падчас запісу альбома «Апрель» (песні «Апрель», «Снилось»). Супрацоўніцтва працягнулася на альбомах «Босиком по мостовой» (2006) і «Адлегласць» (2007). Нязменным удзельнікам групы стаў падчас працы над альбомам «Аквамарын» (2009).