Канстанцін Мікалаевіч Саннікаў

Канстанцін Мікалаевіч Саннікаў
Дата нараджэння	30 мая 1896(1896-05-30)
Месца нараджэння	Рагачоў, Рагачоўскі павет, Магілёўская губерня, Расійская імперыя
Дата смерці	12 ліпеня 1965(1965-07-12) (69 гадоў)
Месца смерці	Мінск, БССР, СССР
Месца пахавання	Усходнія могілкі
Грамадзянства	Расійская імперыя  СССР
Адукацыя	Рагачоўскае рэальнае вучылішча Беларуская драматычная студыя
Прафесія	акцёр, тэатральны рэжысёр, тэатральны педагог
Тэатр	Нацыянальны акадэмічны драматычны тэатр імя Якуба Коласа Беларускі трэці дзяржаўны тэатр Нацыянальны акадэмічны тэатр імя Янкі Купалы Беларуская дзяржаўная акадэмія мастацтваў
Прэміі
Узнагароды

Канстанцін Мікалаевіч Саннікаў (30 мая 1896 — 12 ліпеня 1965) — беларускі і савецкі рэжысёр, акцёр. Народны артыст БССР (1949). Лаўрэат двух Сталінскіх прэмій (1948, 1952). Член ВКП (б) з 1941 года. Дзед Андрэя Саннікава.

Біяграфія

К. М. Саннікаў нарадзіўся 30 мая 1896 года ў Рагачове (Гомельская вобласць). Пачаў сцэнічную дзейнасць у 1916 годзе. З 1926 года акцёр БелАДТ імя Я. Коласа ў Віцебску. З 1932 гады кіраваў 3-м беларускім тэатрам. З 1937 года ў БелАДТ імя Я. Купалы, у 1948—1952 гадах — яго мастацкі кіраўнік. З 1947 года выкладаў у Беларускім тэатральна-мастацкім інстытуце (з 1960 года — прафесар).

К. М. Саннікаў памёр 12 ліпеня 1965 г. Пахаваны ў Мінску на Усходніх могілках.

Творчасць

• 1939 — Згуба ваўка Э. Л. Самуйленка
• 1947 — Канстанцін Заслонаў А. І. Маўзона
• 1950 — Пяюць жаваранкі К. Крапівы
• 1954 — Выбачайце, калі ласка! А. Я. Макаёнка
• 1955 — Зыкаў М. Горкага
• 1956 — На крутым павароце К. Л. Губарэвіча
• 1958 — Людзі і д'яблы К. Крапівы
• 1959 — Смерць ваяводы Ю. Славацкага

Літаратура

• Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш.. — Мн.: БелЭн, 2002. — Т. 14. — С. 157. — 512 с. — 10 000 экз. — ISBN 985-11-0238-5 (Т. 14).