Закінф

Закінф
У параметры «Нацыянальная назва» парушаны сінтаксіс: яго дакладнае запаўненне: «код мовы/назва/код другой мовы/назва». Калі ласка, выпраўце гэтую памылку!
Перыферычны адзінак Закінф у Грэцыі
Характарыстыкі
Плошча	406 км²
Найвышэйшы пункт	Гара Врахіянас, 756 м
Насельніцтва	38 641 чал. (2011)
Шчыльнасць насельніцтва	95,17 чал./км²
Размяшчэнне
37°48′00″ пн. ш. 20°45′00″ у. д.
Архіпелаг	Іанічныя астравы
Краіна	Грэцыя
Перыферыя	Іанічныя астравы
Перыферыйная адзінка	Закінф
Закінф
Медыяфайлы на Вікісховішчы

Закінф (грэч.: Ζάκυνθος) — грэчаскі востраў і адміністрацыйная адзінка, частка Іанічных астравоў. Востраў вядомы са старажытных часоў, узгадваецца ў Адысеі. Назва падыходзіць ад Закінфаса, сына Дардана, легендарнага правадыра Аркадыі.

Геаграфія

Сталіца вострава — горад Закінтас, з насельніцтвам 15.000 чалавек. Плошча — 409 км²; агульнае насельніцтва — звыш 38.000 жыхароў паводле перапісу 2011 года. Лінія ўзбярэжжа — 123 км. Даўжыня вострава — 40 км; шырыня — 20 км. Найвышэйшы пункт — гара Врахіянас, вышынёю 758 метраў.

Эканоміка і клімат

Густая расліннасць з урадлівымі раўнінамі на поўдні і гарамі на захадзе. Клімат — міжземнаморскі. Вырабляюць аліўкавы алей, салодкі вінаград, з якога робяць разынкі Закінфа, вырошчваюць апельсіны, лімоны. Аэрапорт Дыянісас Саламос працуе на паўднёвым захадзе вострава; у гэтай жа зоне знаходзіцца Нацыянальны Марскі Запаведнік Закінф, дзе жывуць чарапахі Caretta Caretta, якія лічыцца відам пад пагрозай вымірання і сустракаюцца пераважна ў бухце Лаганас.

Вядомыя асобы

Самы вядомы ўраджэнец Закінфа — паэт XIX стагоддзя Дыянісас Саламас, найважнейшы з сучасных грэчаскіх паэтаў, аўтар нацыянальнага гімна. Сярод іншых вядомых ураджэнцаў Яніс Фокас, Уга Фоскала і Андрэас Калвас.

Славутасці

Славутасцямі з'яўляюцца бухта Наважыа, мыс Скінары і Сіняя Пячора. На гарыстым баку вострава, з Анафонтрыі адкрываецца цудоўны краявід з манастыром. У горнай вёсцы Керы, на поўдні, стаіць маяк. Найлешпымі пляжамі лічацца Порта Ліміёнас, Порта Вромі і Порта Зора. У вільготнай даліне бухты Чэры існуюць натуральныя крыніцы.

Землятрусы

За гісторыю вострава адбыліся шматлікія землятрусы. Адзін з першых — у 1840 годзе, а пасля яго, у 1873, 1876 гадах. У 1893 годзе адбыўся асабліва моцны землятрус, якому папярэднічаў шэраг дробных штуршкоў; у дадатак, у наступныя два дні яны паўтарыліся.